Local

පිළිතුරු පත්‍ර ඇගයීමට ගවුම් ඇඳ පැමිණි ගුරුවරියන්ව විදුහල්පතිනියක් හරවා යවයි

Friday, 17 January 2025 - 8:45 pm

පන්නිපිටිය ධර්මපාල විද්‍යාලයේ පිහිටුවා ඇති උසස්පෙළ පිළිතුරු පත්‍ර ඇගයීමේ මධ්‍යස්ථානයට පිළිතුරු පත්‍ර ඇගයීම සඳහා ගවුම්වලින් සැරසී පැමිණි ගුරුවරියන් පිරිසක් නැවත හරවා යැවීමට කටයුතු කර තිබෙනවා.

ඒ අනුව ඊයේ (16) දිනය පාසල් පැවැත්වෙන දිනයක් බැවින් පාසල තුළට පැමිණිය යුත්තේ සාරිය හැඳගෙන වුවද ඔවුන් ගවුම්වලින් සැරසී පැමිණීම හේතුවෙන් එම පාසලේ විදුහල්පතිනිය විසින් ඔවුන් පාසලට ඇතුළු කරගැනීම ප්‍රතික්ෂේප කර ඇති බවයි සඳහන් වෙන්නේ.

කෙසේ වෙතත් එහිදී දෙපිරිසටම එකඟතාවයකට පැමිණීමට නොහැකි වී ඇති අතර, එම මධ්‍යස්ථානය තාවකාලිකව වසාදමන ලෙස විභාග කොමසාරිස් ජනරාල්වරයා උපදෙස් දී ඇති අතර අද (17) දිනයේ මේ සම්බන්ධයෙන් තීරණයක් ගැනීමට නියමිතයි.