ඇමති චාමර සම්පත් පොලිසියට පැන අත්අඩංගුවේ සිටි 34ක් අරන් යයි..
Friday, 06 September 2024 - 12:48 pm
රාජ්‍ය ඇමැති චාමර සම්පත් දසනායක මහතා ඊයේ දහවල් බදුල්ල මූලස්ථාන පොලිසියට කඩාවැදී පොලිසිය විසින් අත්අඩංගුවට ගන්නා 34 දෙනෙකු නිදහස් කරගෙන ගොස් ඇත.
ජනාධිපති රනිල් වික්‍රමසිංහ මහතාට සහාය පළකරමින් බදුල්ල බස් නැවතුම්පොළේ දී ප්‍රචාරක ව්‍යාපාරික නිරත වෙමිස් සිටි 34 දෙනෙකු මැතිවරණ නීති උල්ලංඝනය කලේ යයි චෝදනා මත බදුල්ල පොලිසිය අත්අඩංගුවට ගෙන තිබිණ.
මැතිවරණ පැමිණිලි ඒකකයට ලද පැමිණිල්ලක් මත බදුල්ල පොලිසිය විසින් එම පිරිස අත්අඩංගුවට ගෙන තිබේ.
ඒ සම්බන්ධයෙන් දැනගත් රාජ්‍ය ඇමැති චාමර සම්පත් මහතා පොලිසියට පැමිණ මෙම පිරිස නිදහස් කරන්නයි පොලිසියට බැණ වැදී ඇති අතර නීතිය කාටත් එක ලෙස ක්‍රියාත්මක කරන ලෙසද පවසා තිබේ.
පසුව රාජ්‍ය ඇමැතිවරයා බදුල්ල දිස්ත්‍රික්කයේ සහකාර මැතිවරණ කොමසාරිස් හමුවී සාකච්ඡා කිරීමෙන් පසු අදාළ පිරිස පොලිසිය විසින් නිදහස් කර ඇත.
