Local

උසාවි භූමියේදී අල්ලස් ගත් සැරයන්වරයෙක් අත්අඩංගුවට

Wednesday, 12 March 2025 - 5:49 pm

රුපියල් 15,000ක මුදලක් ලබාගත් හැටන් මූලස්ථාන පොලිස් ස්ථානයේ සැරයන්වරයෙකු අල්ලස් චෝදනා මත අත්අඩංගුවට ගෙන තිබෙනවා.

අංගොඩ ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව, හැටන් මහේස්ත්‍රාත් අධිකරණ භූමියේදී මෙම අත්අඩංගුවට ගැනීම සිදුකර ඇති බවයි පොලීසිය සඳහන් කළේ.

පැමිණිලිකරුට විරුද්ධව හැටන් මහේස්ත්‍රාත් අධිකරණයේ විභාග වන නඩුවකින් පැමිණිලිකරු සහ ඔහුගේ බිරිඳ නිදහස් කර දී, එම නඩුව අවසන් කරදීමට අවශ්‍ය කටයුතු සිදුකිරිම සඳහා මොහු රුපියල් 20,000ක් අල්ලස් වශයෙන් ඉල්ලා ඇති බවත්, පසුව එය රුපියල් 15,000ක් දක්වා අඩුකර ඉල්ලා ලබාගත් අවස්ථාවේදී ඔහු අත්අඩංගුවට ගෙන ඇති බවයි වැඩිදුරටත් සඳහන් වෙන්නේ.