ඖෂධ මිල ඉහළ යාම සම්බන්ධයෙන් පාර්ලිමේන්තු මන්ත්‍රී ජයන්ත සමරවීර මහතා යොමු කළ වාචික ප්‍රශ්නයකට පිළිතුරු දෙමින් සෞඛ්‍ය අමාත්‍යවරයා මේ බව පැවසීය.
මේ වන විටත් ඖෂධ වර්ග 100ක පමණ මිල පාලනය කර ඇතැයි හෙතෙම පැවසීය. ඖෂධ නියාමන අධිකාරී සංශෝධන පනත් කෙටුම්පත ඉදිරියේ දි පාර්ලිමේන්තුවට ඉදිරිපත් කිරීමට බලාපොරොත්තු වන බව හෙතෙම පැවසීය.
වැඩිදුරටත් අදහස් දැක් වූ සෞඛ්‍ය අමාත්‍යවරයා පැවසුවේ,
මේ වන විටත් ඖෂධ වර්ග 100ක පමණ මිල පාලනය කර තිබෙනවා. ඇතැම් විට වෙළෙඳපළේ එකම වෙළෙඳ නාමයකින් ඖෂධ බොහොමයක් තිබෙනවා.වෙළෙඳපලේ තිබෙන ඖෂධ වලින් 50%ක් විතර මෙමගින් ආවරණය වෙනවා. මිල පාලනය සඳහා වෙනම ගැසට්ටුවක් තිබෙනවා. මෙම මිල පාලනය කරන්නේ මිල පාලන කමිටුව විසින්. මේ සඳහා 11 දෙනෙකුගෙන් සමන්විත වීශේෂඥ කමිටුවක් තිබෙනවා.ඖෂධ හල්වල මෙම මිල පාලනය සිදු වෙනවද කියලා අපි පසුවිපරම් කරනවා. ඉදිරියේ දී තවත් ඖෂධ කිහිපයක මිල පාලනය කිරීමට බලාපොරොත්තු වෙනවා.
