Local

ඉන්ධන මත රුපියල් 50 බද්ද ඉදිරියට ගෙන යනවාද නැද්දැයි කල්පනා කරනවා..- ජනපති

Tuesday, 12 November 2024 - 2:42 pm

තෙල් සංස්ථාවේ ණය පියවීම සඳහා ඉන්ධන මත පනවා ඇති රුපියල් පනහක බදු මුදල ඉවත් කිරීම සඳහා මේ වන විට එම ණය පියවා ඇති ප්‍රමාණය ගණනය කරමින් සිටින බව ජනාධිපති අනුර දිසානායක මහතා පවසයි.

එම ගණනය කිරීම අවසන් වූ පසු ණය අවසන් වන කාලයත් අනුව සලකමින් එම සහනය ලබා දිය හැකියාවක් ඇති බවත් නැතහොත් එම බද්ධ අඩු කළ හැකි බවත් හෙතෙම කියා සිටී.

කෙසේ වෙතත් මේ සම්බන්ධයෙන් අවසාන වශයෙන් ගණනය කිරීමක් මෙතෙක් සිදුකළ නැති බවද පැවසූ එය ගණනය කළ යුතුව ඇත්තේ ඉදිරියේදී නව වාහන මෙරටට ගෙන ඒමත් සමග ඉන්ධන මත ඇතිවන ඉල්ලුම ඉහළ යාමේ ප්‍රවණතාවයන්ද සලකා බලමින් බවත් එහිදී මෙම බද්ධ තවදුරටත් ඉදිරියට ගෙන යා යුතුද නැද්ද යන්න කල්පනා කරන බවත් හෙතෙම තව දුරටත් පැවසුවේය.

ඒ මහතා මෙම අදහස් පල කලේ දෙරණ නාලිකාවේ පැවති 360 වැඩසටහනට එක්වෙමිනි.