අයිස් මත්ද්‍රව්‍ය කිලෝ 400ක් සමග ඇල්ලූ ජාවාරම්කරුවන් සහ මත්ද්‍රව්‍ය තොගය කොළඹ වරායට
Monday, 02 December 2024 - 7:57 pm
ඉන්දීය මුහුදු සීමාවේදී අත්අඩංගුවට පත් අයිස් මත්ද්‍රව්‍ය ප්‍රවාහනය කරමින් තිබූ මෙරට ධීවර යාත්‍රා දෙක සහ එහි සිටි සැකකරුවන් අද (02) කොළඹ වරායට රැගෙන විත් තිබෙනවා.
ශ්‍රී ලංකා නාවික හමුදාවේ ගජභා නෞකාව මේ සඳහා එක්වී තිබූ අතර ඉන්දීය නාවික හමුදාව සහ ශ්‍රී ලංකා නාවික හමුදාව අතර සිදුකෙරුණු බුද්ධි තොරතුරු හුවමාරුවකින් අනතුරුවයි අදාළ නෞකාව ආරක්ෂක අංශ භාරයට ගෙන තිබුණේ.
එහි එක් යාත්‍රාවක අයිස් මත්ද්‍රව්‍ය කිලෝ 400ක් පමණ තිබූ අතර අනෙක් යාත්‍රාව එහි සහායට ගොස් තිබූ එකක් බවටයි තොරතුරු අනාවරණය වුණේ.
එම බහුදින යාත්‍රා සමඟ ශ්‍රී ලාංකික සැකකරුවන් පිරිස පසුගිය 24 වනදා ඉන්දීය නාවික හමුදාව අත්අඩංගුවට ගැනුණු අතර එම අයිස් මත්ද්‍රව්‍ය තොගය, බහුදින ධීවර යාත්‍රා සහ සැකකරුවන් පසුගිය 29 වනදා ශ්‍රී ලංකා නාවික නෞකා ගජභාහු නෞකාව වෙත ඉන්දීය නාවික හමුදාව විසින් භාරදී තිබුණා.
.webp)
