Clean Sri Lanka වැඩසටහන මානුෂියත්වය ප්‍රමුඛ කරගෙන සිදුකළ යුතු ව්‍යාපෘතියක් - අගමැතිනිය
Friday, 31 January 2025 - 7:00 pm
වත්මන් ආණ්ඩුව ආරම්භ කළ 'Clean Sri lanka' වැඩසටහන මානුෂීය අරමුණු පෙරදැරි කරගෙන කළයුතු සංකීර්ණ වැඩසටහනක් බව අග්‍රාමාත්‍ය ආචාර්ය හරිනි අමරසූරිය පවසනවා.
කොළඹ දිස්ත්‍රික් සම්බන්ධිකරණ කමිටු රැස්වීම අමතමින් අගමැතිනිය සඳහන් කළේ, ජනතාව කාලයක සිට මුහුණ දුන් ගැටළු හේතුවෙන් ඔවුන් බලාපොරොත්තු වූ පරිවර්ථනය වෙනුවෙන් පසු ගිය මැතිවරණයේදී ජනතාව ඡන්දය ප්‍රකාශ කළ බවයි.
රජයක් ලෙස එම වගකීමට ඉටු කිරීමට තිබෙන බවත් Clean Sri Lanka වැඩසටහන පරිසරය පිරිසිදු කිරීම, නීතිය ක්‍රියාත්මක කිරීම හෝ ප්‍රතිපත්ති ක්‍රියාත්මක කිරීම පමණක් නොව හැසිරීම සහ මානුෂිය සබඳතාවල ගුණාත්මකභාවය ඇති කිරීමත් අවශ්‍යය බවද අගමැතිවරිය සඳහන් කළා.
Clean Sri Lanka තුලින් බලාපොරොත්තු වෙන්නේ සියළු අංශයන්ගේ ප්‍රතිසංවිධානය කිරීමක් බවත් ඒ සඳහා ජනතාව තුළ සංවාදයක් ඇතිවිය යුතුයි බවයි අග්‍රාමාත්‍ය ආචාර්ය හරිනි අමරසූරිය වැඩිදුරටත් ප්‍රකාශ කළේ.
