Local

වෙසක් වෙනුවෙන් දිවයින පුරා දන්සැල් 8,742 ක්

Monday, 12 May 2025 - 9:50 pm

වෙසක් දිනයට සමගාමීව දිවයින පුරා දන්සැල් 8,742 කට අධික සංඛ්‍යාවක් මේ වනවිට ලියාපදිංචි කර ඇති බව මහජන සෞඛ්‍ය පරීක්ෂකවරුන්ගේ සංගමය පවසනවා.

වැඩිම දන්සල් සංඛ්‍යාවක් ලියාපදිංචි වී ඇත්තේ බස්නාහිර පළාතේ කොළඹ මහනගර සභාව ආශ්‍රිතව බවයි එම සංගමයේ සභාපති උපුල් රෝහණ සඳහන් කළේ.

දන්සැල් ලබාදීමේ දී පොලිතින් හා ප්ලාස්ටික් භාවිතය අවම කිරීමට කටයුතු කරන ලෙස ඔහු දන්සැල් සංවිධායකයින්ගෙන් ඉල්ලා සිටියා.

එමෙන්​ම දන්සල් පරික්ෂා කිරීමේ කටයුතු සඳහා මහජන සෞඛ්‍ය පරීක්ෂකවරුන් යෙදවීමට කටයුතු කරන බවද ඔහු ප්‍රකාශ කළා.