ත්‍රස්ත ග්‍රහණයේ සිටින ලාංකිකයන් නිදහස් කර ගැනීමට මියන්මාරයේ සහාය
Sunday, 07 January 2024 - 11:27 am
මියන්මාර ත්‍රස්ත ග්‍රහණයේ පසුවන ශ්‍රී ලාංකිකයන් 56 දෙනා මුදා ගැනීම සදහා සහාය දැක්වීමට එරට රජය තීරණය කර තිබේ.
මියන්මාර බලධාරීන් සමඟ පැවති සාකච්ඡාවකින් අනතුරුව මෙම එකගත්වයට පැමිණි බව මියන්මාරයේ ශ්‍රී ලංකා තානාපති ජනක ප්‍රියන්ත බණ්ඩාර මහතා පැවසීය.
තොරතුරු තාක්ෂණ ක්ෂේත්‍රයේ රැකියා ලබා දෙන බව පවසමින් මියන්මාරයේ මයාවාඩි ප්‍රදේශයේ දී ශ්‍රී ලාංකිකයන් 56 දෙනෙකු සයිබර් වහල් සේවයේ යොදවා ඇති බවට තොරතුරු ලැබී තිබේ.
මෙම ශ්‍රී ලාංකිකයින් පිරිස මුදා ගැනීම සදහා විදේශ අමාත්‍ය අලි සබ්‍රි මහතා තායිලන්තයේදී මියන්මාර විදේශ කටයුතු අමාත්‍ය තාන් ශ්‍රී මහතා හමුවී සාකච්ඡා කළේය. ඒ අනුව ශ්‍රී ලාංකිකයන් නිදහස් කිරීමේ කටයුතු සම්පාදනය කෙරුණි.
මේ සම්බන්ධයෙන් මීට දින තුනකට පෙරද යළි ඉල්ලීමක් කර තිබේ.
ඒ අනුව මියන්මාරයේ ත්‍රස්ත ග්‍රහණයේ පසුවන ශ්‍රී ලාංකිකයන් මුදා ගැනිම සදහා එරට රජයේ සහාය දැක්වීමට තීරණය කර ඇති බව තානාපති ජනක ප්‍රියන්ත බණ්ඩාර මහතා කියා සිටියේය.
.webp)
.webp)