මෛත්‍රීගේ ඉල්ලීමට චීනයෙන් පසල් දරුවන්ට ලැබුණු තෑගි
Sunday, 17 March 2024 - 4:29 pm
හිටපු ජනාධිපති මෛත්‍රීපාල සිරිසේනගේ ඉල්ලීමක් මත චීන රජයේ ප්‍රදානයක් ලෙස පොළොන්නරුව දිස්ත්‍රික්කයේ අඩු පහසුකම් සහිත පාසල්වල ඉගෙනුම ලබන දුවා දරුවන් හට පාසල් පාවහන් බෙදාදිමේ වැඩසටහනක් ” ලක්දරු දිරිය පදනම” මගින් දියත් කර ඇති අතර එහි සමාරම්භක වැඩසටහන (16) පොළොන්නරුව අධ්‍යාපනය කලාපයේ ඕනෑගම සිංහරාජපුර ප්‍රාථමික විද්‍යාලයේදී සහ ලංකාපුර ගැමුණුපුර විද්‍යාලයේදී පැවැත්විණි.
මෙම අවස්ථාවට ශ්‍රී ලංකාවේ චීන තනාපති කී. සෙන්හොංග්ස හ එම මැතිණිය, චීන තනාපති කාර්යාලයේ නිළධාරි, පොළොන්නරුව කලාප අධ්‍යාපන අධ්‍යක්ෂක ප්‍රසාද් ජයවර්ධන , පොළොන්නරුව ශ්‍රී ලංකා නිදහස් පක්ෂ ප්‍රධාන ආසන සංවිධායක දහම් සිරිසේන මහතා, විදුහල්පතිනියන් ප්‍රමුඛ ආචාර්ය මණ්ඩලය, ජනතා නියෝජිතයින්, දෙමව්පියන් ඇතුළු පිරිසක් සහභාගි විය.
මෙම වැඩසටහන පොලොන්නරුව දිස්ත්‍රික්කයේ අධ්‍යාපන කලාප තුනම ආවරණය වන පරිදි ක්‍රියාත්මත කිරිමට සැලසුම් කර ඇත.
මෙම වැඩසටහන ක්‍රියාත්මක කිරීම සදහා සහයෝගය ලබා දුන් චීන ජනාධිපති ෂි ජින්පින්ට සහ ශ්‍රී ලංකාවේ චීන තනාපති කී. සෙන්හොංග් මහතාට හිටපු ජනාධිපති මෛත්‍රීපාල සිරිසේන සිය ගෞරවණිය ස්තුතිය පළ කර තිබේ.
