Local

රඹුක්කනදී දුම්රියක් පීලි පැනීමට ලක්වෙයි

Friday, 27 June 2025 - 1:18 pm

රඹුක්කන දුම්රිය ස්ථාන අංගනයේදී දුම්රියක් පීලි පැනීමට ලක්වී තිබෙනවා.

ඒ අනුව, කොළඹ කොටුව සිට රඹුක්කන බලා ධාවනය වූ මන්දගාමී දුම්රියක් එහි ගමනාන්තය අවසන් කර නැවත කොළඹ කොටුව බලා ධාවනය කිරීමට රඹුක්කන දුම්රිය ස්ථානයේ වේදිකාවට පැමිණීමේදී මෙලෙස පීලි පැනීමට ලක්ව ඇති බවයි සඳහන් වෙන්නේ.

මේ හේතුවෙන් රඹුක්කන දුම්රිය ස්ථානයේ දුම්රිය මාර්ග ත්‍රිත්වයක් අවහිරව තිබීම හේතුවෙන්, ප්‍රධාන මාර්ගයේ දුර ගමන් සේවා දුම්රියන් ප්‍රමාදවිය හැකි බවයි වැඩිදුරටත් සඳහන් වෙන්නේ.