Local

සිරි දළදා වන්දනාව හේතුවෙන්, මහනුවර පාසල් රැසකට අද සිට 25 දක්වා නිවාඩු

Monday, 21 April 2025 - 1:59 pm

සිරි දළදා වන්දනාව හේතුවෙන් මහනුවර නගර සීමාව ආශ්‍රිත පාසල් රැසකට අද සිට ලබන 25 දක්වා නිවාඩු ලබාදීමට පියවර ගෙන තිබෙනවා.

සිරි දළදා වන්දනාව සඳහා දැනට වෙන්කර තිබෙන දින ගණන යම් හෙයකින් දීර්ඝ කළහොත්, එම පාසල් තවදුරටත් වසා තැබෙන බවයි මධ්‍යම පළාත් අධ්‍යාපන කාර්යාලය සඳහන් කළේ.

මහනුවර ආරක්ෂාවට යොදවා ඇති පොලීසියේ හා ත්‍රිවිධ හමුදා සාමාජිකයින්ට නවාතැන් ලබාදීම සඳහා එම පාසල් වෙන්කර ඇති බවයි වැඩිදුරටත් සඳහන් වෙන්නේ.