ඡන්ද ගණන් කිරීමේ මධ්‍යස්ථානවල පුළුල් මෙහෙයුමක්…
Saturday, 21 September 2024 - 6:26 pm
ඡන්ද ගණන් කිරීමේ මධ්‍යස්ථාන නිරීක්ෂණය කිරීම සඳහා නිරීක්ෂකයින් 200 දෙනෙකු යෙදවීමට පියවර ගෙන ඇතිබව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පැවසීය.
ඡන්ද ගණන් කිරීමේ මධ්‍යස්ථාන කිහිපයක් නිරීක්ෂණය කිරීම සඳහා නිරීක්ෂකයින් යෙදවීමට පියවර ගන්නා බව ප්‍රජාතන්ත්‍රීය ප්‍රතිසංස්කරණ සහ මැතිවරණ අධ්‍යන ආයතනයේ විධායක අධ්‍යක්ෂ මංජුල ගජනායක මහතා පැවසීය.
ඡන්ද ගණන් කිරීමේ මධ්‍යස්ථානයකට නිරීක්ෂකයින් දෙදෙනා බැගින් යෙදවීමට කටයුතු කරන බව කැෆේ සංවිධානයේ විධායක අධ්‍යක්ෂ මනාස් මකීෂ් මහතා පැවසීය.
ඡන්ද ගණන් කිරීමේ එක් මධ්‍යස්ථානයකට එක් නිරීක්ෂකයෙකු බැගින් යෙදවීමට කටයුතු කරන බව මැතිවරණ ප්‍රචන්ඩ ක්‍රියා නිරීක්ෂණ මධ්‍යස්ථානයේ මෙහෙයුම් ප්‍රධානී අර්ජුන පරාක්‍රම මහතා පැවසීය.
අවශ්‍ය වුවහොත් මනාප ගණන් කිරීමේ කාර්‍ය නිරීක්ෂණය කිරීම සඳහා එම කණ්ඩායම යොදවන බව පැවසීය.
ඡන්ද ගණන් කිරීමේ මධ්‍යස්ථාන ආශ්‍රිතව නිරීක්ෂණ කටයුතු සිදුකරන බව ජාතික මැතිවරණ නිරීක්ෂණ මධ්‍යස්ථානයේ විධායක අධ්‍යක්ෂ රසාංග හරිස්චන්ද්‍ර මහතා පැවසීය.
.webp)
