Local

සුපිරි තරු පිලිගන්න පෙර­හරේ වැඩ පෙන්වූ ත්‍රිරෝ­ද­ක­රුවෝ අත්අ­ඩං­ගු­වට

Saturday, 22 June 2024 - 9:22 am

රූප­වා­හිනී නාළි­කා­වක ලිට්ල් ස්ටාර් තර­ග­යක ජය­ග්‍රා­හි­කා­වක් පිළි­ගැ­නී­මට තලා­තු­ඔය නග­රයේ පෙරේදා (18) පැවති උත්ස­ව­ය­කදී රථ පෙළ­පා­ළියේ ගිය ත්‍රිරෝද රථ දෙකක් රෝද දෙකෙන් ගමන් කර­මින් සංද­ර්ශන පෑම හේතු කොට­ගෙන එම ත්‍රිරෝද රථ­වල රියැ­දු­රන් අප­රී­ක්ෂා­කා­රිව රිය පැද­වීමේ චෝද­නාව යටතේ තලා­තු­ඔය පොලි­සියේ රථ­වා­හන අංශයේ නිල­ධා­රින් විසින් අත්අ­ඩං­ගු­වට ගෙන ඇත.

ලිට්ල් ස්ටාර් ජය­ග්‍රා­හි­කාව තලා­තු­ඔය නග­රයේ සිට අංකෙ­ලි­පි­ටිය දක්වා රිය පෙර­හ­ර­කින් රැගෙන යන අතර නග­රය මැද පාර දෙපස ජන­තාව රැස්වී බලා සිටි­යදී එම ත්‍රිරෝද රථ මෙසේ රෝද දෙකෙන් සංද­ර්ශන පවත්වා තිබේ.

ත්‍රිරෝද රථ රියැ­දු­රන් ඉතා­මත් අප­රි­ක්ෂා­කාරී ලෙස මෙලෙස ධාව­නය කිරීම නිසා අවට සිටි ජන­තාව ඒ බව තලා­තු­ඔය පොලි­සි­යට දුර­ක­තන ඇම­තුම් පවා ලබා දෙමින් දැනු­ම්ව­ත්කර ඇත.


තලා­තු­ඔය පොලිස් ස්ථානා­ධි­පති ප්‍රධාන පොලිස් පරී­ක්ෂක නිශාන්ත අප්පු­හාමි මහ­තාගේ උප­දෙස් මත රථ­වා­හන අංශයේ නිල­ධා­රින් විසින් අදාළ ත්‍රිරෝද රථ දෙකේ රියැ­දු­රන් අත්අ­ඩං­ගු­වට ගෙන ඇති අතර ඔවුන් මහ­නු­වර මහෙ­ස්ත්‍රාත් අධි­ක­ර­ණ­යට ඉදි­රි­පත් කිරී­මට නිය­මි­තව තිබුණි.

(ගලහ  - සී.කේ. වික්‍රම)