Local

පස් කන්දක් කඩා වැටී ඇල්ල වැල්ලවාය මාර්ගය 12 කණුවෙන් අවහිර වෙයි

Saturday, 15 March 2025 - 1:07 pm

අයහපත් කාලගුණය හේතුවෙන් ඇල්ල වැල්ලවාය මාර්ගයේ කිලෝමීටර් 12 කණුව ආසන්න ප්‍රදේශයෙන් මාර්ගය අවහිරවී ඇති බව පොලීසිය පවසනවා.

ඒ අනුව ඇල්ල වැල්ලවාය ප්‍රධාන මාර්ගයේ කරඳගොල්ල, කිලෝමීටර් 12 කණුව ආසන්නයේ මාර්ගයට ඊයේ (13) පස් කන්දක් කඩා වැටීමෙන් මෙලෙස මාර්ගය අවහිරවී ඇති බවයි සඳහන් වෙන්නේ.

මේ හේතුවෙන් එම මාර්ගය පිළිසකර කර නැවත යථා තත්ත්වයට පත්කරන තෙක් විකල්ප මාර්ග භාවිත කරන ලෙසයි පොලීසිය රියදුරන්ගෙන් ඉල්ලා සිටින්නේ.