අයහපත් කාලගුණයෙන් සිදුවූ වගා හානි තක්සේරු කිරීම ආරම්භ කෙරේ
Wednesday, 04 June 2025 - 9:46 am.webp)
පසුගිය දින කිහිපය මුළුල්ලේ ඇදහැලුනු වර්ෂාව සහ අධික සුළං තත්ත්වය හේතුවෙන් සිදුවූ වගා හානි පිළිබඳව තක්සේරු කිරීම් කටයුතු කෘෂිකාර්මික හා ගොවිජන රක්ෂණ මණ්ඩලය මගින් ආරම්භ කර තිබෙනවා.
ඒ අනුව වී, බඩඉරිඟු, අර්තාපල්, ලොකු ලූනු, සෝයා බෝංචි සහ අමු මිරිස් යන වගාවන් වලට සිදුවන හානි සඳහා රක්ෂණ ආවරණ ලබා ගැනීම අවශ්‍ය නොවන අතර, එම බෝගවලට අක්කර 05 ක් දක්වා නොමිලේ රක්ෂණ වන්දි ගෙවීම සිදු කෙරෙන බවයි එම මණ්ඩලය සඳහන් කළේ.
ඒ අනුව වගා හානියකදී හෙක්ටයාරයක් සඳහා රු.100,000/- ක උපරිමයක් දක්වා රක්ෂණ මුදල් නිදහස් කරන බව සඳහන්.
මේ වන විට මාතර දිස්ත්‍රික්කයේ ගොවීන් 100කගේ පමණ කුඹුරු අක්කර 130ක් හානියට පත්ව ඇති බවට වාර්තා වී ඇති අතර, ඉදිරි දින කිහිපය තුළදී වගා හානිවීම් පිළිබඳව නිරන්තර අධීක්ෂණයට ලක් කිරීමට බලාපොරොත්තු වන බව දන්වා සිටිනවා.
කෘෂිකාර්මික හා ගොවිජන රක්ෂණ මණ්ඩලයේ ක්ෂණික දුරකථන අංකය වන 1918 අමතා ගොවීන්ට තම වගා හානිවීම් ගැන දැනුවත් කිරීම සිදුකළ හැකි බවයි එම මණ්ඩලය වැඩිදුරටත් සඳහන් කළේ.
.webp)
