බද්දේගම ප්‍රදේශයේදී එකම පවුලේ සහෝදරයින් දෙදෙනෙකු ඝාතනය කිරිමේ සිද්ධියට අදාළව, සැකකරුවන් 03 ක් අත්අඩංගුවට ගෙන තිබෙනවා.

ඒ අනුව මෙලෙස අත්අඩංගුවට ගෙන ඇත්තේ, අවුරුදු 21, 33 සහ 41 වයස්වල පසුවන බටපොළ හා ඇත්කඳුර ප්‍රදේශවල පදිංචිකරුවන් පිරිසක් බවයි පොලීසිය සඳහන් කළේ.

පසුගිය 27 වැනිදා බද්දේගම ප්‍රදේශයේ අවමංගල්‍ය උත්සවයක දී දෙපිරිසක් අතර ඇතිවූ ගැටුමක දී තියුණු ආයුධයකින් සිදුකළ පහරදීමකින් පසු එකම පවුලේ සහෝදරයින් දෙදෙනෙක් ජීවිතක්ෂයට පත් වුණා.