Business

ශ්‍රීලංකන් ගුවන් සේවය තම 45වන සංවත්සරය සමරයි

Friday, 30 August 2024 - 6:23 am

Boeing 707 මාදිලියේ ගුවන් යානා දෙකක් සමඟින් 1979 සැප්තැම්බර් 1 වැනිදා ආරම්භය සනිටුහන් කළ ශ්‍රීලංකන් ගුවන් සේවය මෙම වසරේ සැප්තැම්බර් 1 වැනිදා 45 වැනි වියට පා තබයි. කලාපයේ පුරෝගාමියෙකු ලෙස ශ්‍රීලංකන් ගුවන් සේවය සෑම විටම ශ්‍රී ලාංකීය ආගන්තුක සත්කාරකත්වය ලොව පුරා රැගෙනයාම සඳහා නිරන්තරයෙන්ම ප්‍රමුඛත්වය දී ඇත. අද වන විට ශ්‍රීලංකන් ගුවන් සේවය දකුණු ආසියාවේ ප්‍රමුඛතම ජාත්‍යන්තර ගුවන් සේවය ඇගයුම් ලබමින් අභියෝග ජයගනිමින් අඛණ්ඩව ඉදිරියට පැමිණෙමින් සිටී.

ප්‍රධාන සන්ධිස්ථාන සහ ජයග්‍රහණ:

1. 1979 - බෝයිං 707 මාදිලියේ ගුවන් යානා දෙකක් සමඟින් 'එයාර් ලංකා (Air Lanka)' දියත් කිරීම (සැප්තැම්බර් 1).
2. 1979 - සැප්තැම්බර් 1 වන දින බැංකොක් වෙත මංගල ගුවන් ගමන දියත් කිරීම.
3. 1979 - බහරේනය, ෆ්‍රැන්ක්ෆර්ට්, ලන්ඩන්, සිංගප්පූරුව, ක්වාලාලම්පූර්, ඩුබායි, පැරිස්, සූරිච්, මදුරාසි සහ මාලේ වෙත නව සේවා දියත් කිරීම.
4. 1980 – එයාර් ලංකා කේටරින් (Air Lanka Catering Ltd) ලිමිටඩ් දියත් කිරීම.
5. 1980 - පළමු ලොක්හීඩ් L1011 ට්‍රයිස්ටාර් ගුවන් යානා ලබා ගැනීම.
6. 1984 - බෝයිං 747-200 මාදිලියේ ගුවන් යානා ලබා ගැනීම.
7. 1990 - එයාර් ලංකා ගුවන් සේවය IATA (ජාත්‍යන්තර ගුවන් ප්‍රවාහන සංගමය) හි සාමාජිකයෙකු බවට පත් වීම.
8. 1990 - ගල්ෆ් යුද්ධයෙන් නිසා විපතට පත් ශ්‍රී ලාංකිකයන් නැවත දිවයිනට ගෙන්වා ගැනීම සඳහා Ilyushin IL-86 මාදිලියේ යානා තුනක් බදු පදනම මත ලබාගෙන මෙහෙයුම් ක්‍රියාත්මක කිරීම.
9. 1991 - සිය පුහුණු මධ්‍යස්ථානය සඳහා IATA ප්‍රතීතනය ලබා ගත් පළමු ජාත්‍යන්තර ගුවන් සේවය .
10. 1992 – “The Serendib Club” පියාසර වැඩසටහන දියත් කිරීම.
11. 1993 - පළමු Airbus A320-200 මාදිලියේ ගුවන් යානය ලබා ගැනීම.
12. 1994 - පළමු Airbus A340 මාදිලියේ ගුවන් යානය ලබා ගනිමින් Airbus A340 ක්‍රියාත්මක කළ දකුණු ආසියාවේ ප්‍රථමයා බවට පත් වීම.
13. 1998 - එමිරේට්ස් (Emirates) ගුවන් සේවය සමඟ උපායමාර්ගික හවුල්කාරිත්වයකට එලඹීම.
14. 1999 - එයාර් ලංකා ගුවන් සේවය, ශ්‍රී ලංකන් ගුවන් සේවය ලෙස නැවත නම් කිරීම.
15. 1999 - පළමු Airbus A330-200 මාදිලියේ ගුවන් යානය ලබා ගැනීම.
16. 2000 - සම්පූර්ණ Airbus ඇණියක් සඳහා Lockheed Tristars මාදිලියේ ගුවන් යානා ඉවත් කරන ලදී.
17. 2000 - ගුවන් භාණ්ඩ ප්‍රවාහන අංශය 'SriLankan Cargo' නමින් වෙනම ආයතනයක් ලෙස නම් කිරීම.
18. 2000 - ඇන්ටනොව් AN12F ගුවන් යානා භාවිතා කරමින් ගුවන් භාණ්ඩ ප්‍රවාහනය සඳහා කැපවූ ශ්‍රීලංකන් ගුවන් භාණ්ඩ ප්‍රවාහන සේවාවක් දියත් කිරීම.
19. 2001 - නවීකරණය කරන ලද ශ්‍රී ලංකන් වෙබ් අඩවිය දියත් කිරීම.
20. 2001 – Skytrax විසින් ශ්‍රීලංකන් ගුවන් සේවය මධ්‍යම ආසියාවේ 'වසරේ ගුවන් සේවය' ලෙස නම් කිරීම.
21. 2002 - 'SriLankan Holidays' දියත් කිරීම.
22. 2002 – Skytrax විසින් ශ්‍රීලංකන් ගුවන් සේවය මධ්‍යම ආසියාවේ 'වසරේ ගුවන් සේවය' ලෙස නම් කිරීම.
23. 2003 - Skytrax විසින් ශ්‍රීලංකන් ගුවන් සේවය “ලෝකයේ හිතවත්ම ගුවන් කාර්ය මණ්ඩලය” ලෙස නම් කිරීම.
24. 2003 – Skytrax විසින් ශ්‍රීලංකන් ගුවන් සේවය මධ්‍යම ආසියාවේ 'වසරේ ගුවන් සේවය' ලෙස නම් කිරීම.
25. 2003 - World Airline Entertainment Association (Avion awards) විසින් හොඳම ගුවන් ගමන් විනෝදාස්වාද (Inflight Entertainment) ගුවන් සේවය ලෙස නම් කිරීම.
26. 2003 - Airbus විසින් කුඩා ගුවන් යානා ඇණියක් සහිත ලෝකයේ වඩාත්ම කාර්යක්ෂම A330 මදිලියේ ගුවන් යානා ක්‍රියාකරු ලෙස ඇගයීම.
27. 2004 - ශ්‍රී ලංකන් එයාර් ටැක්සි නමින් අභ්‍යන්තර සැහැල්ලු ගුවන් යානා සේවාව දියත් කිරීම.
28. 2004 - BIA හි නව ව්‍යාපාරික පන්ති විවේකාගාරය වන සෙරන්ඩිබ් විවේකාගාරය දියත් කිරීම.
29. 2004 - කුඩා ගුවන් යානා ඇණියක් සහිත හොඳම ගුවන් ගමන් විනෝදාස්වාදය සඳහා වූ Avion සම්මානය හිමිකර ගැනීම.
30. 2004 – ආසියා පැසිෆික් ගුවන් සේවා මධ්‍යස්ථානය විසින් වසරේ Airline Tu around නම් කිරීම.
31. 2004 – Skytrax විසින් ශ්‍රීලංකන් ගුවන් සේවය මධ්‍යම ආසියාවේ 'වසරේ ගුවන් සේවය' ලෙස නම් කිරීම.
32. 2004 - 'ශ්‍රී ලංකන් කෙයාර්ස්' ප්‍රජා සත්කාරක සේවාව දියත් කිරීම.
33. 2005 - 2004 සුනාමි ව්‍යවසයෙන් පසු විපතට පත්වූවන්ට සහන සැලසීම වෙනුවෙන් වැඩසටහනක් දියත් කරන කිරීම.
34. 2006 – ජාත්‍යන්තර ගුවන් සේවා පුහුණු ඇකඩමිය (IAA) දියත් කිරීම.
35. 2006 – Changi Airline Awards - සිංගප්පූරුවේ Changi ගුවන්තොටුපළ වෙත ක්‍රියාත්මක වන හොඳම ගුවන් සේවා පහ අතරින් එකක් ලෙස නම් කිරීම.
36. 2006 – ශ්‍රී ලංකන් කේටරින් දියත් කිරීම.
37. 2006 - ඉන්දියාවේ ගෝවා ශ්‍රීලංකන් හි 50 වැනි ගමනාන්තය බවට පත් වීම.
38. 2007 - IATA වෙතින් IOSA ආරක්ෂාව සහ තත්ත්ව සහතිකය ලබා ගැනීම.
39. 2007 - ඉංජිනේරු අංශය වෙත EASA (යුරෝපීය ගුවන් සේවා ආරක්ෂණ ඒජන්සිය) විසින් 145 ප්‍රමිතිකරණය පිරිනමන ලදී .
40. 2007 – 'Home Away From Home' සඳහා PATA හොඳම ගුවන් සේවා අලෙවි ව්‍යාපාරය රන් සම්මානය හිමිකර ගැනීම.
41. 2007 – ඉන්දියාව වෙත සතියකට ගුවන් ගමන් වාර 100ක් ක්‍රියාත්මක කරන පළමු ජාත්‍යන්තර ගුවන් සේවය බවට පත්වීම.
42. 2008 - ISAGO ලියාපදිංචි කිරීම (භූමියේ මෙහෙයුම් සඳහා IATA මෙහෙයුම් ආරක්ෂණ විගණනය).
43. 2008 – FlySmiLes ලබැදි පියාසර වැඩසටහන දියත් කිරීම .
44. 2008 - ශ්‍රී ලංකන් කළමනාකරණය ශ්‍රී ලංකා රජය වෙත ආපසු පවරා ගැනීම.
45. 2008 – Airbus Industrie Global සම්මානය - කුඩා ගුවන් යානා ඇණියක් සහිත ලෝකයේ වඩාත්ම කාර්යක්ෂම A340 මදිලියේ ගුවන් යානා ක්‍රියාකරු ලෙස ඇගයීම.
46. ​​2008 - වසර හතරකින් පළමු ගුවන් යානය පැමිණීමත් සමඟ A320 යානා නැවත පියාසර යානා ඇණියට එකතු කිරීම ආරම්භ කරන ලදී .
47. 2009 - ආයතනික පරිසර ප්‍රතිපත්තිය දියත් කරන ලදී .
48. 2009 - දකුණු ආසියාවේ ප්‍රමුඛයා ලෙස පළමු පරිසර හිතකාමී හරිත ගුවන් ගමන ක්‍රියාත්මක කිරීම.
49. 2009 - ඉංජිනේරු අංශය විසින් ප්‍රථම වරට Combined Heavy Maintenance Check සිදු කිරීම.
50. 2010 - 2D තීරු කේත සහිත බෝඩිං පාස් දියත් කළ පළමු ගුවන් සේවා අතරට එක්වීම නිමිත්තෙන් IATA ප්ලැටිනම් සම්මානය හිමිකර ගැනීම.
51. 2010 – ‘Hotseats’ අලෙවිකරණ ව්‍යාපාරය සඳහා සංචාරක සහ සංචාරක කාණ්ඩයේ Effie සම්මානය හිමිකර ගැනීම.
52. 2011 - ශ්‍රීලංකන් ගුවන් සේවය ජාත්‍යන්තර ගුවන් සේවා ඇකඩමිය IATA විසින් දකුණු ආසියාවේ ‘ඉහළම පුහුණු මධ්‍යස්ථාන දහය ’ ලෙස නම් කරන ලදී.
53. 2011 - නියමු පුහුණුව සඳහා ශ්‍රී ලංකාවේ ප්‍රථම පියාසැරි සිමියුලේටරය (Flight Simulator) සමඟ ශ්‍රීලංකන් ගුවන් නියමු පුහුණු ඇකඩමිය විවෘත කිරීම.
54. 2012 – ආසියානු හා ඕස්ට්රේලියානු කලාපයේ හොඳම ගුවන් සේවයට හිමි APEX Best in Region- Passenger Choice මගී තේරීම් සම්මානය හිමිකර ගැනීම.
55. 2013 - ලොව හොඳම පුහුණු මධ්‍යස්ථාන දහයෙන් එකක් ලෙස IATA ප්‍රිමියර් කවයට ඇතුලත් වීම.
56. 2014 - ලෝක මට්ටමේ ගුවන් සමාගම්වල සන්ධානයක් වන oneworld හි සාමාජිකතවය ලබා ගැනීම.
57. 2014 – ශ්‍රීලංකන් කෙයාර්ස් අරමුදලින් නවීන ළමා මනෝචිකිත්සක ඒකකය රිජ්වේ ආර්යා රෝහලේ විවෘත කිරීම.
58. 2014 - ගුවන් යාන ප්‍රති ඇණිගත කිරීමේ සැලැස්මේ කොටසක් ලෙස නවතම A330-300 ගුවන් යානා තුනක් ලබාගැනීම.
59. 2015 - 'Superior Achievement in Passenger Experience' සඳහා APEX මගී තේරීම් සම්මානය හිමිවීම.
60. 2015 – මානව සම්පත් කළමනාකරණ සංගමය (SHRM) විසින් පිරිනමන මානව සම්පත් පිළිබඳ විශිෂ්ටත්වය (දකුණු ආසියාව) සම්මානය හිමිවීම.
61. 2016 – World Travel Awards - ඉන්දියන් සාගරයට ක්‍රියාත්මක වන ලොව ප්‍රමුඛතම ගුවන් සේවය සඳහා සම්මානය හිමිවීම.
62. 2016 - මාලදිවයිනට අයත් 'ගැන්' දූපත් වෙත පියාසර කළ එකම ජාත්‍යන්තර ගුවන් සේවය ලෙස 'ගැන් දූපත්' සහ තවත් නව ගමනාන්ත 11ක් වෙත මෙහෙයුම් දියත් කිරීම.
63. 2017 – In-flight Asia Pacific Awards - වාණිජ ගුවන් සේවා නවෝත්පාදනය සඳහා වූ සම්මානය හිමිවීම.
64. 2017 – Airbus A320 සහ A321neo ගුවන් යානා හඳුන්වාදීම .
65. 2017 - මෙල්බර්න්, හයිද්‍රාබාද්, කොයිම්බතූර් සහ විශාකාපට්නම් වෙත මෙහෙයුම් දියත් කිරීම.
66. 2017 – World Travel Awards - ඉන්දියන් සාගරය කලාපයේ ලොව ප්‍රමුඛතම ගුවන් සේවය ලෙස සම්මානය හිමිකර ගනී.
67. 2017 – Golden City Gate Awards, ITB Berlin - Gold Award MICE ප්‍රවර්ධන සම්මානය හිමිකර ගනී.
68. 2017 – APEX Awards - කලාපීය ප්‍රධාන ගුවන් සේවා කාණ්ඩයේ තරු 4 ශ්‍රේණිගත කිරීම ලබා ගැනීම.
69. 2017 – Top Travel Awards - දකුණු ආසියාවේ හොඳම ගුවන් සේවය ලෙස සම්මානය හිමිකර ගැනීම.
70. 2018 - සැප්තැම්බර් මාසයේ වඩාත්ම වෙලාවට වැඩ කරන ගෝලීය ගුවන් සේවය ලෙස සම්මානය හිමිකර ගැනීම. 91% කට වඩා නියමිත වේලාවට ගුවන් ගමන් සිදුකරන ලදී.
71. 2018 – World Travel Awards - ඉන්දියන් සාගර කලාපයේ ලොව ප්‍රමුඛතම ගුවන් සේවය ලෙස සම්මාන හිමිකර ගැනීම.
72. 2018 – APEX Awards - කලාපීය ප්‍රධාන ගුවන් සේවා කාණ්ඩයේ තරු 4 ශ්‍රේණිගත කිරීම ලබා ගැනීම.
73. 2018 – Golden City Gate Awards, ITB Berlin - First Star, ප්‍රවර්ධන කාණ්ඩයේ සම්මානය ලැබීම.
74. 2019 - ජූනි මාසයේ වඩාත්ම වේලාවට වැඩ කරන ගෝලීය ගුවන් සේවය ලෙස නම් කිරීම; මාස 12 කට අඩු කාලයකදී දෙවන වරට මෙලෙස ඇගයීමට ලක් වීම.
75. 2019 – APEX Awards - ප්‍රධාන ගුවන් සේවා කාණ්ඩයේ තරු 4 ශ්‍රේණිගත කිරීම ලබා ගැනීම.
76. 2019 – PATA රන් සම්මානය - Marketing-Carrier සම්මාන හිමිකර ගැනීම.
77. 2019 - World Travel Awards - ඉන්දියන් සාගර කලාපයේ ලොව ප්‍රමුඛතම ගුවන් සේවය ලෙස සම්මාන ලැබීම.
78. 2019 - ශ්‍රී ලංකන් ගුවන් සේවා විද්‍යාලය IATA හි කලාපීය ඉහළම කාර්ය සාධනය සහිත බලයලත් පුහුණු මධ්‍යස්ථානයක් ලෙස නම් කරන ලදී.
79. 2019 – Golden City Gate Awards, ITB Berlin - First Star, ගුවන් සේවා-ආයතනික කාණ්ඩය සඳහා වූ සම්මානය හිමිකර ගැනීම.
80. 2020 - කෝවිඩ් වසංගතය අතරතුර දේශීය අපනයනකරුවන්ට සහාය වීම සඳහා ගුවන් භාණ්ඩ ප්‍රවාහන කටයුතු අඛණ්ඩව පවත්වාගෙන යෑම.
81. 2020 - කෝවිඩ් හේතුවෙන් චීනයේ වුහාන් සහ අනෙකුත් රටවල සිරවී සිටි ශ්‍රීලංකිකයො නැවත දිවයිනට ගෙන්වා ගැනීමේ විශේෂ ගුවන් මෙහෙයුම් ක්‍රියාත්මක කරන ලදී.
82. 2020 - Marketing Carrier - PATA රන් සම්මානය හිමිකර ගැනීම.
83. 2020 – First Star – Airline Inte ational category – Golden City Gate Awards, ITB Berlin සම්මානය හිමිකර ගැනීම.
84. 2020 - ඉන්දියන් සාගර කලාපයේ ලොව ප්‍රමුඛතම ගුවන් සේවය ලෙස World Travel Awards සම්මානය හිමිකර ගැනීම.
85. 2020 – Golden City Gate Awards, ITB Berlin - First Star, Campaign Category කාණ්ඩය සඳහා වූ සම්මානය හිමිකර ගැනීම.
86. 2021 - SimpliFlying මගින් බල ගැන්වෙන APEX සෞඛ්‍ය සහ ආරක්ෂණ විගණනය මඟින් Diamond තත්ව සහතිකය ලබා දීම.
87. 2021 - 'Best in Managing Health at Work' - ආසියානු නායකත්ව සම්මානය හිමි වීම.
88. 2021 - ඉන්දියන් සාගර කලාපයේ ලොව ප්‍රමුඛතම ගුවන් සේවය ලෙස World Travel Awards සම්මානය හිමිකර ගැනීම.
89. 2021 - Marketing Carrier - PATA රන් සම්මානය හිමිකර ගැනීම.
90. 2021 - නව ගුවන් සේවා කිහිපයක් සමඟ ඉංජිනේරු අංශයේ MRO මෙහෙයුම් පුළුල් කිරීම.
91. 2022 – මධ්‍යම ආසියාවේ හොඳම කැබින් සේවාව සඳහා වූ APEX Passenger Choice Awards සම්මානය හිමිකර ගැනීම.
92. 2022 – APEX Awards හි ප්‍රධාන ගුවන් සේවා කාණ්ඩයේ තරු 4 ගුවන් සේවාවක් ලෙස ශ්‍රේණිගත කිරීම.
93. 2022 – 2022 ‘Sheikh Mohammed Bin Rashid Al Maktoum (SMBR) Global Aviation’ සම්මාන උළෙලේදී හොඳම ගුවන් සේවා පරිසර හිතකාමී වැඩසටහන සම්මානය දිනා ගැනීමට ද සමත් වීම (‘මතක’ ව්‍යාපෘතිය).
94. 2022 – Marketing-Carrier සඳහා වූ PATA රන් සම්මානය හිමිකර ගැනීම.
95. 2022 – Changi Airline Awards හි Relience Award සම්මානය හිමිකර ගැනීම.
96. 2023 – SriLankan Flavors සඳහා APEX IFSA Best Inflight Food or Beverage 2024 සම්මානය හිමිකර ගැනීම.
97. 2023 – APEX Awards - ප්‍රධාන ගුවන් සේවා කාණ්ඩයේ තරු 4 ශ්‍රේණිගත කිරීම.
98. 2023 – Marketing Carrier - PATA රන් සම්මානය හිමිකර ගැනීම.
99. 2023 - ජාත්‍යන්තර සංචාර සඳහා ගුවන් තොටුපල තාක්‍ෂණයේ ගෝලීය ප්‍රමුඛයා වන SITA වෙතින් ස්වයං-සේවා check-in සහ bag drop පහසුකම හඳුන්වා දුන් දකුණු ආසියාවේ පළමු ගුවන් තොටුපළ සහ බිම් මෙහෙයුම් සේවා ක්‍රියාකරු විම.
100. 2024 - Marketing Carrier - PATA රන් සම්මානය හිමිකර ගැනීම.

“ඕනෑම ක්ෂේත්‍රයක වසර හතළිස් පහක් යනු දිගු කාලයක් , වාණිජ ගුවන් සේවා අංශයේ මෙම සන්ධිස්ථානය සාක්ෂාත් කර ගැනීම ඊටත් වඩා විශාල ජයග්‍රහණයකි. ශ්‍රීලංකන් ගුවන් සේවය යනු මෙම කලාපයේ පැරණිතම හා ප්‍රමුඛතම වාණිජ ගුවන් සේවාව වන අතර, අප මුහුණ දුන් නිරන්තර අභියෝග හමුවේ පසුගිය වසර 45 තුළ අපගේ ගමන ගැන අපි  ආඩම්බර වෙමු. ඒ සියල්ල හරහා, ශ්‍රීලංකන් අපගේ විශ්වාසවන්ත ගනුදෙනුකරුවන් වෙනුවෙන්  අප නිරන්තරයෙන් කැපවී සිටිනවා. ” ශ්‍රීලංකන් ගුවන් සේවයේ සභාපති අශෝක් පතිරගේ මහතා පැවසී ය.

'මෙම අවස්ථාවේදී අපගේ කාර්යමණ්ඩයට කෘතවේදීත්වය පළ කිරීම වැදගත්. ආරම්භයේ සිට අද දක්වා අපගේ ගුවන් සේවයේ සාර්ථකත්වය වෙනුවෙන් කැපවී වැඩකල කළ සියලු දෙනාට අපි ස්තූතිවන්ත වෙමු. අපි අපගේ ජයග්‍රහණ සමරන අතරතුර. ශ්‍රී ලාංකේය සම්ප්‍රදායන් හා උණුසුම්, මිත්‍රශීලී ආගන්තුක සත්කාරකත්ව අත්දැකීම ලබාදෙමින් ලොවපුරා සිටින සංචාරකයෝ ශ්‍රීලංකන් ගුවන් සේවය සමඟින් මෙරටට රැගෙන ඒම අපගේ අරමුණයි ' ශ්‍රීලංකන් ගුවන් සේවයේ ප්‍රධාන විධායක නිලධාරී රිචඩ් නටාල් (Richard Nuttall) මහතා පැවසී ය.

ශ්‍රී ලංකන් ගුවන් සේවය ලොව පුරා රටවල් 62 ක ගමනාන්ත 114 ක (codeshare හවුල්කරුවන් සමග) සිය මෙහෙයුම් සිදු කරයි. සිය නවීන Airbus A330-300 සහ A320/321neo ගුවන් යානා ඇණිය සමඟ යුරෝපය, ඕස්ට්‍රේලියාව, මැද පෙරදිග, ඉන්දියානු උපමහාද්වීපය, අග්නිදිග ආසියාව සහ ඈත පෙරදිග හරහා ප්‍රධාන නගර ආවරණය කරයි. ශ්‍රීලංකන් ගුවන් සේවය පිළිබඳ වැඩි විස්තර සඳහා කරුණාකර www.srilankan.com වෙත පිවිසෙන්න.