Local

මාර්ග ජලයෙන් යටවේ… ඡන්ද දායකයන් ප‍්‍රවාහනට වැඩපිලිවෙලක්..

Thursday, 14 November 2024 - 2:06 pm

මාතර දිස්ත්‍රික්කයට සහ නිල්වලා ගඟෙහි ඉහළ පෝෂක ප්‍රදේශ වලට ඇදහැලුණු වැසි හේතුවෙන් නිල්වලා ගඟෙහි ජල මට්ටම ඉහළගොස් ඇතිබව වාරිමාර්ග දෙපාර්තමේන්තුව පවසයි.

ඒ අනුව නිල්වලා ගඟ පානදුගම ප්‍රදේශයෙන් සුළු ගංවතුර මට්ටමේ පවතියි.

තලගහගොඩ ප්‍රදේශයෙන් නිල්වලා ගඟ අවධානම් මට්ටමේ පවතියි.

පවතින තත්ත්වය තුළ මාර්ග කිහිපයක් මේ වනවිට සුළු වශයෙන් ජලයෙන් යටවී තිබේ.

එම ප්‍රදේශ වල ඡන්ද දායකයින් ඡන්දය ප්‍රකාශ කිරීම සඳහා ඡන්ද මධ්‍යස්ථාන කරා ගෙන යාමට විශේෂ වැඩපිළිවෙළක් ක්‍රියාත්මක බව මාතර දිස්ත්‍රික් තේරීම්භාර නිලධාරී කාර්යාලය පවසයි.