මාලිමා ආණ්ඩු සමයේ පලමු වර්ජනය කැදවයි..
Tuesday, 29 October 2024 - 10:06 pm
ඉදිරි පැය 72 ක කාලය ඇතුළත දුම්රිය ස්ථානාධිපතිවරුන්ගේ බඳවා ගැනීම හා උසස්වීම් ගැටලුවට විසඳුමක් ලබා නොදුනහොත් ක්ෂණික වෘත්තිය ක්‍රියා මාර්ගයකට එළඹෙන බව දුම්රිය ස්ථානාධිපති සංගමය පවසයි.
එහි සභාපති සුමේධ රත්නායක මහතා සඳහන් කරන්නේ දුම්රිය නියාමක හා දුම්රිය ස්ථානාධිපති තනතුරුවලට වසර පහෙන් පහට ශ්‍රේණි උසස්වීම් දීමනා ලබා දීමෙ අමාත්‍ය මණ්ඩලය අනුමැතිය ලැබී ඇති බවයි.
ඒ අනුව පැරණි විභාග ප්‍රතිඵල මත නියාමක වරුන්ගේ උසස් වීම් දී වැටුප් පරිවර්තනය ද සකසා ඇති බවත් හෙතෙම කියා සිටියි.
දුම්රිය ස්ථානාපතිවරුන් සඳහා බඳවා ගැනීමේ පටිපාටිය අනුමත කිරීමෙන් පසු උසස් කිරීමේ ක්‍රමවේදය ද ආරම්භ කළ යුතු බව දුම්රිය සාමාන්‍යධිකාරිවරයා දැනුම් දී ඇති බව කියන සභාපතිවරයා දුම්රිය ස්ථානාධිපති තනතුරට අදාල බදවා ගැනීම් පටිපාටිය නියාමක සංගමය විරෝධය හේතුවෙන් අනුමැතිය සඳහා ඉදිරිපත් කර නොමැති බවද කියා සිටියේය.
