නිට්ටඹුව, ශ්‍රී විජේරාමය විහාරස්ථානය මඟින් වාර්ෂිකව පවත්වනු ලබන “දුරුතු නද” මහ පෙරහැර හෙට (24) දින රාත්‍රී 8.30 සිට රාත්‍රී 12.00 දක්වා විථි සංචාරය කිරීමට නියමිතව තිබීම හේතුවෙන් මාර්ග අවහිරතාවයක් පිළිබඳ පොලීසියෙන් දැනුවත් කිරීමක් සිදුකර තිබෙනවා.

පෙරහැර නැරඹීම සඳහා විශාල ජනකායක් පැමිණෙතැයි අපේක්ෂා කරන බැවින් නුවර - කොළඹ ප්‍රධාන මාර්ගයේ අධික රථවාහන තදබදයක් ඇති වීමට ඉඩ ඇති බවයි එහි දැක්වෙන්නේ.

එම නිසා අදා​ල කාල සීමා​ව තුළ නිට්ටඹුව නගරයේ සිට මල්වත්ත හන්දිය දක්වා වූ කොටස කොළඹ දෙසට හා නුවර දෙසට ගමන් කරන රථවාහන සඳහා මාර්ගයේ එක් මංතීරුවක් දෙකට බෙදා වාහන ගමන් කරවීමට සැලසුම් කර තිබෙන අතර රියැදුරන්ට විකල්ප මාර්ග භාවිතා කරන ලෙසයි පොලිසිය දැනුම්දෙන්නේ.

විකල්ප මාර්ග සඳහා පහත නිවේදනය බලන්න.