Local

ජනාධිපතිවරණ දිනය ප්‍රකාශය ජුලි 17 න් පසු - මැතිවරණ කොමිසම

Sunday, 07 July 2024 - 8:33 pm

ජූලි 17 වනදායින් පසු ජනාධිපතිවරණය පැවැත්වෙන දිනය ප්‍රකාශයට පත් කිරීමට කටයුතු කරන බව මැතිවරණ කොමිෂන් සභාව පවසනවා.

ඒ අනුව ව්‍යවස්ථානුකූලව ජනාධිපතිවරණය පැවැත්වෙන දිනය ප්‍රකාශයට පත් කිරීමට ජුලි 17 වනදායින් පසු පසු කොමිෂන් සභාවට බලය හිමිවන බවයි එහි සභාපති ආර්. එම්. ඒ. එල්. රත්නායක සඳහන් කළේ.

ඒ අනුව, මැතිවරණ කොමිසම රැස්වී ජනාධිපතිවරණය පැවැත්වෙන නිශ්චිත දිනය ඉදිරියේදී තීරණය කරන බවයි ඔහු ප්‍රකාශ කළේ.

මෙවර ජනාධිපතිවරණය සඳහා 2024 ඡන්ද හිමි නාමලේඛනය යොදාගැනීමට නියමිත බවත් ඡන්ද හිමි නාමලේඛනයට අත්සන් කිරීමේ කටයුතු ඉදිරි දින කිහිපය තුළ සිදුකිරීමට නියමිත බව මැතිවරණ කොමිසන් සභාවේ ආර්.එම්.ඒ.එල් රත්නායක වැඩිදුරටත් සඳහන් කළේ.