Sports

ඉන්දියාවේ ලෝක ශූර­යන් පිළි­ගැ­නීමේ උත්ස­ව­යේදී තෙරපී තුවාල වූ රසි­ක­යන් 10ක් රෝහ­ලට

Saturday, 06 July 2024 - 8:42 am

විස්සයි20 ලෝක කුස­ලා­නය දිනා සිය රටට පැමිණි ඉන්දීය කණ්ඩා­යම පිළි­ගැ­නීමේ උත්සව මාලාව නව­දිල්ලි හා මුම්බායි නග­ර­ව­ලදී පැය 16ක් පුරා පැවැ­ත්වෙයි. 2007 වසරේ පළමු විස්සයි20 ලෝක කුස­ලා­නය දිනා­ගත් ඉන්දීය කණ්ඩා­යම දෙවැනි වර­ටත් එම කුස­ලා­නය දිනා ආපසු පැමි­ණීම ඉන්දීය ක්‍රීඩා ලෝලීන්ට විශාල ආශ්වා­ද­යක් වූ බැවින් දිල්ලි ගුව­න්තො­ටු­පොළේ සිට මුම්බායි වන්කඩේ ක්‍රීඩාං­ග­ණය දක්වා ලක්ෂ ගණ­නින් ජන­තාව රැස්ව සිටි­යහ.

ඉන්දීය ක්‍රීඩ­කයෝ සැම­රුම් උත්ස­ව­යේදී නර්ත­න­යක

ඉන්දීය ක්‍රීඩ­කයෝ සැම­රුම් උත්ස­ව­යේදී නර්ත­න­යක

වසර 17ක් පුරා විස්සයි20 ලෝක කුස­ලා­නය දෙස බලා සිටි ඉන්දීය ක්‍රීඩා­ලෝ­ලීන් තම ප්‍රිය­තම තරු පිළි­ගැ­නී­මට දිල්ලි සිට මුම්බායි දක්වා වීදි බැස සිටි­යහ. මුම්බායි මැරීන් ඩ්‍රයිව් සිට වන්කඩේ ක්‍රීඩාං­ග­ණය දක්වා විවෘත බස් රථ­ය­කින් ඉන්දීය පිල පැමිණි අතර, වර්ෂාව මැද පැය 6ක් ක්‍රීඩා­ලෝ­ලීන්ට බලා සිටී­මට සිදු විය. මුම්බායි ජය­ග්‍රාහී පෙළ­පා­ළිය පැය 2ක් පැවති අතර, ලක්ෂ 3කට අධික පිරි­සක් සිටි බව විදෙස් වාර්තා සඳ­හන් කළේය.

අධික පිරි­සක් රැස්ව සිටි හෙයින් ක්‍රීඩා­ලෝ­ලීන් තද­බ­ද­යට ලක්වී අප­හ­සුතා ඇති වූ බව ඉන්දීය වාර්තා සඳ­හන් කළේය. ඇතැ­මුන්ට තුවාල ද සිදු විය. මුම්බායි පොලි­සිය පැව­සුවේ රසි­ක­යන් 10ක් ප්‍රති­කාර සඳහා රෝහ­ල්ගත කර ඇති අතර, ඉන් දෙදෙ­නෙ­කු­ගෙන් එක් අයෙක්ගේ අස්ථි බිඳී­මක් හා අනෙක් පුද්ග­ලයා හුස්ම ගැනීමේ අප­හ­සු­තා­ව­යෙන් පෙළී ඇත.

හර්දික් පාණ්ඩ්‍යා

හර්දික් පාණ්ඩ්‍යා

වන්කඩේ පිටියේ පැවති පිළි­ගැ­නීමේ උත්ස­ව­යේදී ඉන්දීය පුහු­ණු­කරු රාහුල් ඩ්‍රාවිඩ් පැව­සුවේ “මේ කොල්ලෝ කරලා තියෙන්නේ ඇද­හිය නොහැකි දෙයක්. වෙහෙස මහන්සි වී වැඩ කිරීම, ඔරොත්තු දීමේ හැකි­යාව ඔවුන් තුළ තිබුණා. මට මේ ආද­රය ඉදි­රි­යේදී මඟ හැරේවි” යනු­වෙනි.

“ඔබ සැමට ස්තූතියි. අපි ඉන්දි­යා­වට පැමිණි වේලාවේ සිට අපූරු පිළි­ගැ­නී­මක් තිබුණා. මේ කුස­ලා­නය මුළු රට­ටම අයිති එකක්” හර්දික් පාණ්ඩ්‍යාගේ පන්දු යැවීම අගය කළ රෝහිත් ෂර්මා ඔහුට ආචාර කරන ලෙස ඉල්ලී­මක් ද කළේය. ඒ සම­ඟම ජන­තාව ‘හර්දික්.. හර්දික්’ ලෙස මහ හඬින් සටන් පාඨ කීහ.

ජස්ප්‍රිත් බුම්රා පැව­සුවේ කිසිම ක්‍රිකට් තර­ග­ය­කින් පසු තමන් කඳුළු සලා නැති වුවද මේ ජය­ග්‍ර­හ­ණ­යෙන් පසු තම ඇස්ව­ලින් දෙතුන් වතා­වක් කඳුළු ආ බවය.

“රෝහිත් පඩි­පෙළ මත සිටින විට මගේ සහ ඔහුගේ ඇස්වල කඳුළු ආවා. ඔහු මෙත­රම් හැඟී­ම්බ­රව සිටිනු මා දුටු පළමු අව­ස්ථා­වයි. අපි 2011 ලෝක කුස­ලා­නය දිනන විට සියලු ජ්‍යෙෂ්ඨ ක්‍රීඩ­ක­යන් හැඟී­ම්බර වූවා” විරාත් කෝලි පැව­සීය.

 
 
 
 


Top Stories
wedivistara

මෙවර මැතිවරණයට දෘෂ්‍යාබාධිත හා ශ්‍රව්‍යාබාධිත ප්‍රජාවට ඡන්දය පළකිරීමේ පහසුකම් සැලසීමට මැතිවරණ කොමිසමෙන් තීරණයක්

wedivistara

ශ්‍රීලංකන් ගුවන් සමාගමට ලංසු කැඳවීම අත්හිටුවීමට තීරණය කෙරේ

wedivistara

ඡන්ද කල්දාන්නෙත් නෑ, පාර්ලිමේන්තුව විසුරවන්නෙත් නෑ - රවී

wedivistara

පාර්ලිමේන්තුව ලබන 23 සිට 26 දක්වා රැස්වෙයි

wedivistara

ඇසළ පුර පසළොස්වක පොහොය දිනය අදයි

wedivistara

අද කාලගුණ නිවේදනය

Trending
wedivistara

වැඩවර්ජනය අතරතු​ර සේවයට වාර්තා කළ රාජ්‍ය සේවයින්ට රු.10,000 ක දීමනාවක් ලබාදීමට කැබිනට් අනුමැතිය

wedivistara

විදුලි ගාස්තු 22.5% කින් පහළට

wedivistara

පොහොට්ටුවේ ජනාධිපති අපේක්ෂකයා ධම්මික පෙරේරා කියලා තීරණය කරලා ඉවරයි - උදයංග

wedivistara

පොළොන්නරුව ඓතිහාසික සෝමාවතී පුදබිමේදී වාර්ෂිකව පැවැත්වෙන ශ්‍රී දකුණු දළදා පෙරහැර මේ මස 20 වනදා

wedivistara

ජනාධිපතිවරණය පැවැත්වෙන දිනය ප්‍රකාශයට පත් කිරීමේ බලය අද මධ්‍යම රාත්‍රියෙන් පසු මැතිවරණ කොමිසමට

wedivistara

රාජ්‍ය මූල්‍ය කළමනාකරණය හා අනාගත ශ්‍රී ලංකාව මැයෙන් දීප ව්‍යාප්ත පුවත්පත් ලිපි තරගාවලියක්


NEWS ALERT