Local

අධිවේගී මාර්ගයට යළිත් STF යෙදවීමට පියවර

Tuesday, 11 March 2025 - 2:50 pm

අධිවේගී මාර්ග සේවා සඳහා ඊයේ (10) රාත්‍රියේ සිට විශේෂ කාර්ය බළකා නිලධාරීන් අනුයුක්ත කිරීමට පියවර ගත් බව මාර්ග සංවර්ධන අධිකාරියේ අධ්‍යක්ෂ ජනරාල් එෆ්.එම්.පි. සූරිය බණ්ඩාර පවසනවා.

දක්ෂිණ අධිවේගී මාර්ගය, දක්ෂිණ අධිවේගී මාර්ග දිගුව, කොළඹ පිටත වටරවුම් මාර්ගය, නව කැලණි පාලම සහ කොළඹ කටුනායක මාර්ගයන්හි සිදුවන හදිසි අනතුරුවලදී ජීවිත ගලවා ගැනීම් සහ ගිනි නිවීම් සේවා කටයුතු සඳහා මෙම නිලධාරීන් යෙදවීමට පියවර ගෙන ඇති බවයි සඳහන් වෙන්නේ.

පසුගිය රජය සමයේදී සිදුකළ ‘යුක්තිය’ මෙහෙයුමත් සමග, මීට වසරකට පෙර එම කටයුතුවලින් පොලිස් විශේෂ කාර්ය බළකාය ඉවත් කිරීමට ආරක්ෂක අමාත්‍යාංශය මගින් පියවර ගෙන තිබුණා.