Local

ශ්‍රි පාදස්ථානයේ සංචාරය සඳහා පැමිණි ඩෙන්මාර්ක් ජාතිකයෙක් ජිවිතක්ෂයට

Monday, 20 January 2025 - 5:56 pm

ශ්‍රි පාදස්ථානයේ සංචාරයක් සඳහා පැමිණි ඩෙන්මාර්ක් ජාතිකයෙකු ජිවිතක්ෂයට පත් වී තිබෙනවා.

ජීවිතක්ෂයට පත් සංචාරකයා සිය බිරිඳ සමග (19) දින පස්වරුවේ නල්ලතන්නිය වෙත පැමිණ, සංචාරක හෝටලයක නවාතැන් ගෙන, 20 දින අලුයම ශ්‍රී පාදස්ථානය දක්වා ගමන් කරමින් සිටියදී, පෙරවරු 7.00 ට පමණ ඉදිකටුපා​න ප්‍රදේශයේදී හදිසියේ රෝගාතුර වී ඇති බවයි නල්ලතන්නිය පොලිසිය සඳහන් කළේ.

පසුව ඉදිකටුපා​න පොලිස් මුරපොලේ නිලධාරින් රෝගී වූ විදේශීය සංචාරකයා රෝහල්ගත කිරීම සඳහා නල්ලතන්නිය වෙත රැගෙන එන විට, එම සංචාරකයා මියගොස් සිටි බවයි පොලිසිය වැඩිදුරටත් සඳහන් කළේ.