Local

අනුර ජයග්‍රහණය කල පසු රට ගොඩනැගීම ඔහුගේම පමණක් කාර්යයක් නොව මෙරට සියලු පුරවැසියන්ගේ ඒකාබද්ධ කාර්යයක්...

Sunday, 08 September 2024 - 12:21 am

ජාතික ජන බලවේග නායක අනුර දිසානායක මහතා ජයග්‍රහණය කල පසු රට ගොඩනැගීම ඔහුගේම පමණක් කාර්යයක් නොව මෙරට සියලු පුරවැසියන්ගේ ඒකාබද්ධ කාර්යයක් බව එම පක්‍ෂයේ තරුණ පෙරමුණේ සභාපති එරංග ගුණසේකර මහතා සඳහන් කරයි.

නමුත් එය කරගත නොහැකි වුවහොත් ගෝඨාභය රාජපක්ෂ මහතාට සිදුවූ දේට වඩා එහා ගිය ප්‍රතිඵලයක් අත්වීමේ ඉඩකඩක් ඇති බවද ඔහු කියා සිටියි.

කෙසේ වෙතත් මෙරට තරුණ පරම්පරාවට කිසිදු වචනයක් කීමට ඉඩ නොතබන සේ තම රජයක් යටතේ වැඩ කටයුතු කරන බවද පැවසූ ඔහු ඊට හේතුව තම අරමුණ හා මෙරට ජනතා අභිලාෂයන් එක සමානවීම බවද කියා සිටියේය.

අන්තර්ජාල නාලිකාවක සාකච්ඡාවකදී හෙතෙම මෙම අදහස් පළ කර ඇත.