රජයේ හෙද නිලධාරීන් හෙට වෘත්තීය ක්‍රියාමාර්ගයක නීරතවෙමින් පෙරවරු 11.30ට පහත රෝහලවල ඉදිරිපිට විරෝධතා පවත්වන්නට කටයුතු යොදා ඇති බව මාධ්‍ය නිවේදනයක් නිකුත් කරමින් එම සංගමයේ සභාපති සමන් රත්නප්‍රිය මහතා පවසනවා.

එකඟ වූ පරිදි හෙද සේවාවේ උස්සවීම් පිලිබඳ ගැටලුව පිලිබඳව කිසිදු මැදිහත්වීමක් සිදුනොවීමත්,

අතිකාල දීමනා 1/200 හා නිවාඩු දින දීමනා 1/30 කිරීමට 2025 අයවැය මඟින් කල යෝජනාව පිලිබඳව මුදල් අමාත්‍යාංශ සාකච්ඡාව එකඟ වූ පරිදි නොලැබීමත් යන කරුණු නිසා හෙද සේවාව දැඩි ලෙස නොසන්සුන්තාවයකට පත්ව ඇති බව ඒ මහතා වැඩිදුරටත් අවධාරණය කරයි. එබැවින් 2025.03.017 දින දීපව්‍යාප්ත පැය 3ක් සේවාවෙන් ඉවත්වීමටත්, එදින දහවල් සියලු රෝහල් ඉදිරිපිට උද්ඝෝෂණ ව්‍යාපාරයක් කරන බවටත් දන්වා සිටී.

ඒ අනුව කළුතර/කොළඹ ජාතික රෝහල/ පේරාදෙණිය /බදුල්ල/ වව්නියාව / මන්නාරම/ කාසල් / රාගම / මහනුවර / අනුරාධපුර / නුවරඑළිය / නාවලපිටිය / කුරුණෑගල / කිලිනොච්චිය / කෑගල්ල / හලාවත්/ මාතර / රත්නපුර / තඹුත්තේගම / බලංගොඩ / ඇඹිලිපිටිය/ මඩකලපුව/ අක්කරෙයිපත්තු/පදවිය ඇඹිලිපිටිය /යාපනය / මහියංගනය/ ඇල්පිටිය / කරාපිටිය/ කළුබෝවිල / බලංගොඩ/ මාතලේ/ ත්‍රිකුණාමලය /මිනුවන්ගොඩ / දෙහිඅත්තකණ්ඩිය / බොරැල්ල ළමා රෝහල ඉදිරිපිටදී විරෝධතාවල නිරතවනු ඇති.