Local

දෙවිනුවර ද්විත්ව ඝාතනයේ තවත් සැකකරුවෙක් අත්අඩංගුවට

Friday, 25 April 2025 - 12:47 pm

දෙවිනුවර විෂ්ණු දේවාලය ඉදිරිපිටදී පුද්ගලයන් දෙදෙනෙකු වෙඩි තබා ඝාතනය කිරීමේ සිද්ධිය සම්බන්ධයෙන් තවත් සැකකරුවෙකු අත්අඩංගුවට ගෙන තිබෙනවා.

ඒ අනුව, මෙම අපරාධය සඳහා පැමිණි වෙඩික්කරුවන් ප්‍රවාහනය කිරීම, ඝාතනය සිදුකිරීම සඳහා කුමන්ත්‍රණය කිරීම හා ආධාර අනුබල දීම යන කාරණා සම්බන්ධයෙන් අදාළ සැකකරු ඊයේ (24) සවස් කාලයේදී අත්අඩංගුවට ගත් බවයි පොලීසිය සඳහන් කළේ.

වයස අවුරුදු 33ක් වන මෙම සැකකරු, තලල්ල දකුණ, ගන්දර ප්‍රදේශයේ පදිංචිකරුවෙක් වන බවයි පැවසෙන්නේ.

සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන අංශය විසින් වැඩිදුර විමර්ශන කටයුතු සිදු කරනවා.