Local

රනිල්ගෙන් නරේන්ද්‍ර මෝදිට ලිපියක්

Thursday, 24 April 2025 - 9:16 pm

ඉන්දියාවට අයත් ජම්මු කාශ්මීරයේ පහළගම් ප්‍රදේශයේ සංචාරකයන් ඉලක්ක කරගෙන එල්ල වූ ත්‍රස්ත ප්‍රහාරය දැඩිව හෙලා දකින බව ඉන්දීය අග්‍රාමාත්‍ය නරේන්ද්‍ර මෝදිට ලිපියක් යොමු කරමින් හිටපු ජනාධිපති රනිල් වික්‍රමසිංහ සඳහන් කර තිබෙනවා.

ඒ අනුව එම සිදුවීම සම්බන්ධයෙන් ඉන්දීය රජයට හා විපතට පත්වූවන්ගේ පවුල් වල සාමාජිකයින්ට සිය ශෝකය ප්‍රකාශ කරන බවත්, තුවාල ලැබූවන්ට ඉක්මන් සුවය ප්‍රාර්ථනා කරන බවත් හිටපු ජනාධිපතිවරයා සඳහන් කර තිබෙනවා.

මෝදි අගමැතිතුමාගේ නායකත්වය යටතේ මෙම පීඩාව සම්පූර්ණයෙන්ම ජය ගනිමින් ඉන්දියාව නැගී සිටින බව විශ්වාස බවත්, සාමයේ සංස්කෘතියකට කැපවූ අනාගතයක් ගොඩනැගීම සඳහා අප සැම එක්සත් බවයි හිටපු ජනාධිපති රනිල් වික්‍රමසිංහ වැඩිදුරටත් සඳහන් කර තිබෙන්නේ.

අදාළ ලිපිය පහතින්.