සැකකරු අත්අඩංගුවට ගත්තාද නැද්ද කියන එක මේ වැඩ වර්ජනයට අදාළ නෑ - GMOA
Wednesday, 12 March 2025 - 6:46 pm
අනුරාධපුරේ රෝහලේ වෛද්‍යවරිය මුහුණදුන් සිදුවීමට විරෝධය පළ කරමින් ආරම්භ කළ සංකේත වැඩ වර්ජනය හෙට (13) දක්වා ක්‍රියාත්මක කරන බව රජයේ වෛද්‍ය නිලධාරීන්ගේ සංගමය පවසනවා.
ඒ අනුව තම වැඩවර්ජනය අදාළ සැකකරු අත්අඩංගුවට ගත්තාද නැද්ද යන්නට පමණක් ලඝුවන වැඩ වර්ජනයක් නොව, සමස්ත සිදුවීමට විරෝධය හා අප්‍රසාදය පළ කරමින් ක්‍රියාත්මක කරන්නක් බවයි එහි මාධ්‍ය ප්‍රකාශක වෛද්‍ය චමිල් විජේසිංහ සඳහන් කළේ.
සංකේත වැඩ වර්ජනය හෙට (13) උදෑසන 8.00 ට අවසන්වීමට නියමිත බව ඔහු වැඩිදුරටත් ප්‍රකාශ කළා.
අදාළ වර්ජන කාලය තුළ හදිසි ප්‍රතිකාර සේවා කිසි ලෙසකින් අඩාල නොවන පරිදි අඛණ්ඩව සිදුකරන බව ද, ළමා රෝහල්, මාතෘ රෝහල්, වකුගඩු ප්‍රතිකාර ඒකක, ජාතික මානසික සෞඛ්‍ය විද්‍යායතනය සහ ත්‍රිවිධ හමුදා රෝහල්ව‍ල මෙම වැඩ වර්ජනය ක්‍රියාත්මක නොවන බවද වැඩිදුරටත් සඳහන්.
.webp)
