Local

Clean Sri Lanka වැඩසටහනට සමගාමීව කොළඹ වාහන දුම් පරීක්ෂා කිරීම සම්බන්ධ වැටලීම් අද සිට

Tuesday, 11 March 2025 - 2:52 pm

Clean Sri Lanka වැඩසටහනට සමගාමීව අද (11) සිට කොළඹ දිස්ත්‍රික්කය තුළ වාහන දුම් පරීක්ෂා කිරීම් සම්බන්ධ වැටලීම් සිදු කරන බව මෝටර් රථ ප්‍රවාහන දෙපාර්තමේන්තුව පවසනවා.

මාසයක කාලයක් තුළ වාහන 1000ක දුම් පරීක්ෂා කිරීම් සිදු කිරීමට බලාපොරොත්තු වන බවයි මෝටර් රථ ප්‍රවාහන දෙපාර්තමේන්තුවේ වාහන වායු විමෝචන භාරකාර අරමුදලේ අධ්‍යක්ෂ ඉංජිනේරු දසුන් ගමගේ සඳහන් කළේ.

මෙම දුම් පරීක්ෂාව අසමත් වන වාහන සඳහා නඩත්තු නියෝග නිකුත් කරන බවත්, දින 14ක් තුළ එම නඩත්තු නියෝගයට අනුව නිවැරදි කිරීම් සිදු කර රථය ඉදිරිපත් කළ යුතු බවත් ඔහු සඳහන් කර සිටියා.