Local

උතුරු මැද රජයේ පාසල්වල 11 වන ශ්‍රේණියේ විභාග කටයුතු අත්හිටුවයි

Thursday, 09 January 2025 - 8:05 am

උතුරු මැද පළාතේ සියලුම රජයේ පාසල්වල 11 වන ශ්‍රේණියේ විභාග කටයුතු යළි දැනුම්දෙන තුරු අවලංගු කර තිබෙනවා.

එම වාර විභාගයට අදාළ සිංහල සාහිත්‍ය ප්‍රශ්න පත්‍රය සමාජ මාධ්‍ය ඔස්සේ පිටවී ඇති බවට මීට පෙර අනාවරණය වූ අතර, ඉන් අනතුරුව විද්‍යාව සහ ඉංග්‍රීසි විෂයයන්ට අදාළ ප්‍රශ්න පත්‍රද පිටවී ඇති බවට අනාවරණය වී තිබුණා.

මෙම ප්‍රශ්න පත්‍ර පිටවීම සම්බන්ධව මේ වනවිට අනුරාධපුර මූලස්ථාන පොලීසිය වෙත පැමිණිල්ලක් සිදුකර ඇති බවයි උතුරු මැද පළාත් අධ්‍යාපන සහ ප්‍රධාන අමාත්‍යාංශ ලේකම් සිරිමෙවන් ධර්මසේන වැඩිදුරටත් ප්‍රකාශ කළේ.