Local

අලින් දුම්රියේ ගැටීම වැළැක්වීමට මාර්තු 07 වනදා සිට දුම්රිය කාලසටහන සංශෝධනය කෙරේ

Monday, 03 March 2025 - 6:47 pm

දුම්රියේ වන අලි ගැටීමෙන් සිදුවන අනතුරු වළක්වා ගැනීම සඳහා මූලික පියවරක් ලෙස අලින් බහුලව ගැවසෙන ප්‍රදේශවලට වේග සීමාව අවම වන ලෙස මාර්තු 07 වනදා සිට දුම්රිය කාලසටහන සංශෝධනය කිරීමට තීරණය කර තිබෙනවා.

ඒ අනුව මඩකලපුව මාර්ගයේ පලුගස්වැව සිට හිඟුරක්ගොඩ දක්වා සහ වැලිකන්ද සිට පූනානි දක්වාත්, ත්‍රිකුණාමලය මාර්ගයේ ගල්ඔය හන්දිය සිට කන්තලේ දක්වා වන ප්‍රදේශ ආවරණය වන පරිදි මෙම දුම්රිය කාලසටහන සංශෝධනය කර ඇති බවයි එම දෙපාර්තමේන්තුව සඳහන් කළේ.

එසේම කොළඹ කොටුව සහ මඩකලපුව අතර ධාවනය වන “මීනගයා” නගරාන්තර රාත්‍රී තැපැල් දුම්රිය සඳහා S-13 වර්ගයේ බලවේග කට්ටලයක් ධාවනය සඳහා යෙදවීමට ද තීරණය කර ඇති බවයි වැඩිදුරටත් සඳහන් වෙන්නේ.

නව දුම්රිය කාලසටහන පහතින්.