Local

සහනාධාර බොරු පොරොන්දුවලින් රට ගොඩගන්න බෑ – ජනක රත්නායක

Thursday, 19 September 2024 - 9:46 am

සහනාධාරදී, බොරු පොරොන්දුදී මේ රට ගොඩගන්න බැරි යැයි එක්සත් ලංකා පොදුජන පක්ෂයේ ජනාධිපති අපේක්ෂක ජනක රත්නායක මහතා පැවසීය.

මේ රටත්, ජනතාවත් අවුරුදු 76ක දේශපාලනය නිසා රටත් ජනතාවත් බංකොලොත් වී ඇති බවත්, තමා ජනාධිපති වූ පසු රටත් ජනතාවත් නඟාසිටුවීමේ වැඩපිළිවෙළක් තමා සතු බවත් රත්නායක මහතා ඊයේ (18දා) පැවැති අවසන් ජන හමුවකට එක්වෙමින් පැවසීය.

රාජ්‍ය පරිපාලනය දන්න තමා බලයට පත්වුවහොත් අත්‍යවශ්‍ය භාණ්ඩ 20ක මිල වසර පහක් ස්ථායිව පවත්වාගෙන යෑම, විදුලි, ජල බිල්පත්වල මිල අඩුකිරීම සහ ඉන්ධන මිල රුපියල් 150කින් අඩුකරන බවද රත්නායක මහතා කීය.