ශ්‍රී ලංකා ඉන්ෂුවරන්ස් Bes t Management Practices Company Awards 2024 සම්මාන උලෙළේදී පිදුම් ලබයි
Saturday, 13 April 2024 - 9:57 am
ශ්‍රී ලංකාවේ ප්‍රමුඛතම සහ ශක්තිමත්ම රක්ෂණ සමාගම වන ශ්‍රී ලංකා ඉන්ෂුවරන්ස් (SLIC) 2024 වසරේ විශිෂ්ට කළමනාකරණ ක්‍රියාවලි අනුගමනය කරන සමාගම් සඳහා වූ (Best Management Practices Company Awards 2024) සම්මාන උලෙළේදී සම්මාන ද්විත්වයකින් පිදුම් ලැබීය. සම්මාන උලෙළ 2024 මාර්තු 13 වැනි දින කොළඹ සිනමන් ග්‍රෑන්ඩ් හෝටලයේ Oak Room හිදී පැවැත්විණි.
ශ්‍රී ලංකා වරලත් වෘත්තීය කළමනාකරුවන්ගේ ආයතනය (CPM Sri Lanka) විසින් සංවිධානය කරන ලද මෙම සම්මාන උලෙළෙහි අරමුණ වන්නේ රාජ්‍ය සහ පෞද්ගලික අංශයේ සමාගම් ඔවුන්ගේ සුවිශේෂී ආයතනික වර්ධනය සහ සාර්ථකත්වය සඳහා ඇගයීමට ලක්කිරීමයි. මෙම සම්මාන මඟින් 2023 වර්ෂය තුළ සමාගමේ නායකත්වය,
ප්‍රතිපත්ති, උපාය මාර්ග, පුද්ගල කළමනාකරණය, හවුල්කාරිත්වය සහ සම්පත්, ක්‍රියාවලි සහ කාර්ය සාධන ඉස්මතු කරමින් විශිෂ්ට කළමනාකරණ ක්‍රියාවලි (Best Management Practices) අනුමත කරනු ලබයි.
ශ්‍රී ලංකා ඉන්ෂුවරන්ස් මෙම උලෙළේදී සම්මානයට පාත්‍ර වූ ප්‍රමුඛතම සමාගම් දහය අතරට එක් වූ අතර, ‘රක්ෂණ – රාජ්‍ය අංශයේ සමාගම්’ කාණ්ඩයේ ජයග්‍රාහකත්වය හිමි කරගැනීමට ද සමත් විය. මෙම සම්මාන මඟින් පිළිබිඹු වනුයේ ශ්‍රී ලංකා ඉන්ෂුවරන්ස් හි විශිෂ්ටත්වය සඳහා වූ නොසැලෙන කැපවීම සහ ආයතනය තුළ කාර්ය සාධනය මත පදනම් වූ සංස්කෘතියක් පෝෂණය කිරීම සඳහා සමාගමේ කැපවීමයි.
ශ්‍රී ලංකා ඉන්ෂුවරන්ස් හි ප්‍රධාන විධායක නිලධාරී චන්දන එල් අලු‍ත්ගම මහතා අදහස් දක්වමින් පැවසුවේ, “මෙම සම්මාන දිනා ගැනීම අප කාර්ය මණ්ඩලයේ නොපසුබට උත්සාහය විදහා දැක්වෙන හොඳම නිදසුනකි. ශ්‍රී ලංකා ඉන්ෂුවරන්ස් හි, අපි හොඳම කළමනාකරණ ක්‍රියාවලි අනුගමනය කිරීමට සහ ක්‍රියාත්මක කිරීමට අඛණ්ඩව උත්සාහ කර ඇති අතර, මෙම සම්මාන මඟින් අපගේ විශිෂ්ටත්වය සඳහා වූ
කැපවීම මනාව පිළිබිඹු වේ. මෙය අපට සතුටුදායක අවස්ථාවක් වන අතර, අපගේ කාර්යමණ්ඩලයේ උනන්දුව සහ කැපවීම ඉතාමත් ඉහළින් අගය කර සිටිමි” යන්නයි.
.webp)
