Local

මැතිවරණය වෙනුවෙන් ගොනුකළ පෙත්සම් අදත් විභාගයට ගැනේ

Thursday, 30 November 2023 - 6:03 pm

පළාත් පාලන ඡන්ද විමසීම නොපැවැත්වීමට එරෙහිව  ගොනුකර තිබෙන මූලික අයිතිවාසිකම් පෙත්සම් අද (30) දෙවන දිනටත් ශ්‍රේෂ්ඨාධිකරණය හමුවේ විභාගයට ගෙන තිබෙනවා.

ඒ අනුව පෙත්සම් අද කැඳවූ අවස්ථාවේදී එම පෙත්සම් ඉදිරිපත් කර තිබූ ජාතික ජන බලවේගයේ පාර්ලිමේන්තු මන්ත්‍රීනි ආචාර්ය හරිනි අමරසූරිය සහ හිටපු පාර්ලිමේන්තු මන්ත්‍රී සුනිල් හඳුන්නෙත්ති වෙනුවෙන් නීතීඥවරුන් කරුණු දක්වා තිබෙනවා.

ඉකුත් මාර්තු මස 9 වනදා පැවැත්වීමට නියමිතව තිබූ පළාත් පාලන ඡන්ද විමසීම නොපැවැත්වීමෙන් මහජනතාවගේ මූලික මිනිස් අයිතිවාසිකම් උල්ලංඝනයවී ඇති බවට තීන්දුවක් ලබාදෙන ලෙස ඉල්ලා මෙම මූලික අයිතිවාසිකම් පෙත්සම් ගොනුකර ඇති බවයි සඳහන් වන්නේ.