Sports

ඇෆ්ඝනිස්තාන කණ්ඩායම ලබන 30 වැනිදා දිවයිනට

Friday, 19 January 2024 - 8:53 am

එළඹෙන ශ්‍රී ලංකා තරග සංචාරය සදහා ක්‍රීඩා කිරීම වෙනුවෙන් ඇෆ්ඝනිස්තාන කණ්ඩායම ජනවාරි 30 වැනිදා දිවයිනට පැමිණීමට නියමිත බව ශ්‍රී ලංකා ක්‍රිකට් ආයතනය පවසනවා.

ඒ අනුව එම තරග සංචාරය සඳහා තරග රටා ත්‍රිත්වයම ඇතුළත් අතර ටෙස්ට් තරගයක්, එක්දින තරග 3ක් හා විස්සයි විස්ස තරග 3 ක් ඇතුළත් වනවා.

දෙරට අතර පැවැත්වෙන ටෙස්ට් තරගය පෙබරවාරි දෙවැනිදා ආරම්භ වන අතර අනතුරුව එක්දින තරගාවලිය පෙබරවාරි 9, 11 හා 14 යන දිනවලදී කොළඹ ආර්.ප්‍රේමදාස ක්‍රීඩාංගනයේ දී පැවැත්වීමට නියමිතයි.

විස්සයි විස්ස තරගාවලිය පෙබරවාරි 17 වැනිදා දඹුල්ල ක්‍රීඩාංගනයේ දී ආරම්භ වන අතර ඉතිරි තරග 19 සහ 21 දිනවලදී පැවැත්වෙන බවයි ශ්‍රී ලංකා ක්‍රිකට් ආයතනය වැඩිදුරටත් සඳහන් කළේ.