Local

පාරිසරික ප්‍රශ්න කඩිනමින් විසඳීමට WhatsApp අංකයක් හඳුන්වා දෙයි

Saturday, 15 February 2025 - 9:51 am

පාරිසරික ප්‍රශ්න සඳහා කඩිනමින් විසඳුම් සෙවීමට පරිසර අමාත්‍යංශයෙන් WhatsApp අංකයක් හඳුන්වා දී තිබෙනවා.

පරිසර අමාත්‍යංශය විසින් පරිසර සංරක්ෂණය උදෙසා ජනතා සහභාගීත්වය ලබා ගැනීමේ අරමුණෙන් ද, පාරිසරික ගැටලු අමාත්‍යවරයාට සහ නියෝජ්‍ය අමාත්‍යවරයාට යොමු කිරීම උදෙසා හා එම ගැටලුවලට කඩිනම් විසඳුම් ලබා දීම සඳහා ද මෙම නව WhatsApp අංකය හඳුන්වා දී ඇති බවයි සඳහන් වෙන්නේ.

ඒ අනුව, 076-6412029 යන දුරකථන අංකයට කෙටි පණිවුඩ වශයෙන් පමණක් පරිසර ප්‍රශ්න යොමු කරන ලෙසයි එම අමාත්‍යංශය සඳහන් කරන්නේ. 

මෙලෙස යොමු කරනු ලබන ප්‍රශ්න පරිසර අමාත්‍යංශය විසින් අදාළ ආයතන වෙත යොමු කර කඩිනම් සහ තිරසාර විසඳුම් සොයා ගැනීමටත්, පසු විපරම් ක්‍රියාවලිය ඔස්සේ විමර්ශන කටයුතු සිදු කිරීමටත් අපේක්ෂා කරන බවයි වැඩිදුරටත් සඳහන් වෙන්නේ.