ජාතික පොලිස් කොමිසමේ නිලධාරීන් සහ ජනාධිපති අනුර කුමාර දිසානායක අතර විශේෂ සාකච්ඡාවක් පවත්වා තිබෙනවා.
ඒ අනුව ඊයේ (22) පස්වරුවේ පැවති මෙම සාකච්ඡාව සඳහා පොලිස් කොමිෂන් සභාවේ සභාපතිවරයා ඇතුළු සෙසු සාමාජිකයින් සහභාගි වී තිබෙනවා.
පොලීසියේ ඇතැම් ස්ථාන මාරුවීම් සිදු කිරීමට පොලිස් කොමිසම මැලිකමක් දක්වන බවට ජනාධිපති අනුර කුමාර දිසානායක විසින් පසුගියදා ප්‍රසිද්ධ රැලියකදී චෝදනාවක් සිදුකළ අතර, ඒ සම්බන්ධයෙන් සහ පොලිස් කොමිසමේ වත්මන් වැඩ කටයුතු සම්බන්ධයෙන් දැනුවත් කිරීම මෙම සාකච්ඡාවේ අරමුණ වී ඇති බවයි සඳහන් වෙන්නේ.
ව්‍යවස්ථානුකූලව පැවරී ඇති බලතලවලට අනුව, නීත්‍යානුකූලව තමන් විසින් සිය රාජකාරී කටයුතු සිදුකරන බව ජාතික පොලිස් කොමිසම මෙහිදී ජනාධිපතිවරයාට දැනුම් දී ඇති බවයි වැඩිදුරටත් සඳහන් වෙන්නේ.
