Local

ආර්ථිකය ආණ්ඩුවේ ග‍්‍රහණයෙන් ගිලිහිලා.. IMF සමග ඉදිරි ගමන අමාරුයි..

Wednesday, 30 October 2024 - 7:45 pm

ජාතික ජන බලවේගයට මුදල් අමාත්‍යංශයට ලේකම් කෙනෙක් දාන්නවත් කෙනෙක් නැති බව හිටපු පාර්ලිමේන්තු මන්ත‍්‍රී වසන්ත යාපා බණ්ඩාර මහතා පවසයි.

උඩුදුම්බර ප‍්‍රදේශයේ පැවති ජන හමුවකදී ඔහු මෙම අදහස් පල කරන ලදි.

“ජාතික ජන බලවේගයට මුදල් අමාත්‍යංශයට ලේකම් කෙනෙක් දාන්නවත් කෙනෙක් නැති තත්වයක් තියෙන්නේ.

මුදල් අමාත්‍යංශයේ ලේකම්‍, මහ බැංකුවේ අධිපතිවරයා යන දෙදෙනාම රනිල් වික්‍රමසිංහ ජනාධිපතිවරයා පත් කළ දෙදෙනෙක්.

මේ අය පහුගිය කාලේ ජනාධිපතිවරණ වේදිකා වල කිව්වේ මනෝ ලෝක කතා.

විජිත හේරත් අමාත්‍යවරයා කියනවා අතුරු සම්මත ගිණුමකට යනවා කියලා. ආණ්ඩුව කළ යුත්තේ 21 වැනිදා පාර්ලිමේන්තුව රැස්කිරීමෙන් අනතුරුව නව අය වැය ලේඛනයක් සම්මත කරගැනීමයි.

එසේත් නැතිනම් IMF සමඟ සාකච්ඡා තවදුරටත් ඉදිරියට ගෙනයාමේදී අපහසුතාවයන් ඇති වේවි.

ආර්ථිකය ගැන පහුගිය කාලේ වේදිකා වල එක එක කතා කිව්වට දැන් ප්‍රායෝගිකව එය ක්‍රියාත්මක කරද්දි සරුංගලේ නූල කැඩෙනවා වගේ ආණ්ඩුවට තමන්ගේ ග්‍රහණයෙන් ආර්ථිකය ගිලිහිලයි තියෙන්නේ.

ගෝඨාභය හිටපු ජනාධිපතිවරයාට මුහුදෙන් පලා යන්න සිද්ධ වුනේ ආර්ථිකය නිසි ලෙස කළමනාකරණය නොකිරීම නිසයි.

මේ අයටත් ගෝඨාභය ආදර්ශයට මුහුණ දෙන්නයි වෙන්නේ.

අපි ආණ්ඩුවට කියනවා ආර්ථිකය ගැන අවශ්‍ය තීන්දු අවශ්‍ය තැනදි ගන්න කටයුතු කරන්න කියලා”