Local

අපේ දරුවන්ගෙන් තුනෙන් එකකට තීව්‍ර මන්දපෝෂණය

Thursday, 05 September 2024 - 10:45 am

අනාගතයට ඉතිරි වෙන්නේ පාණ්ඩුව හැදුණු ජාතියක්
රෝහිණි කවිරත්න

මෙරට දරුවන්ගෙන් තුනෙන් එකක් තීව්‍ර මන්දපෝෂණ ලක්ෂණ පෙන්වන බව සමගි ජන බලවේගය මාතලේ දිස්ත්‍රික් මන්ත්‍රිනී රෝහිණී කවිරත්න පාර්ලිමේන්තුවේ දී ඊයේ (04දා) පැවසුවාය.

මන්ත්‍රීවරිය මේ බව සඳහන් කළේ ළමා මන්දපෝෂණ තත්ත්වය පිළිබඳව සොයා බැලීමට පත් කරන ලද කාරක සභාවේ වාර්තාව පාර්ලිමේන්තුවට ඉදිරිපත් කරමිනි. එහිදී ඇය මෙසේද සඳහන් කළාය.

මේ වාර්තාව සකස් කිරීමට හේතු වුණේ මන්දපෝෂණයට අදාළව යුනිසෙෆ් සංවිධානය සකස් කළ වාර්තාවක් හිටපු සෞඛ්‍ය ඇමැති කෙහෙළිය රඹුක්වැල්ල මහතා ප්‍රතික්ෂේප කිරීමයි. ඉන් පසුව ඒ සම්බන්ධයෙන් සොයා බැලීමට කාරක සභාවක් පත් කරන ලෙස අප කළ ඉල්ලීම කථානායකතුමා පිළිගත්තා. ඒ අනුවයි මේ වාර්තාව සකස් කළේ.

මේක නිකම්ම නිකං වාර්තාවක් නෙමෙයි. මේ වාර්තාව පැත්තක තියන්න එපා කියලා මම ඉල්ලීමක් කරනවා. අපේ රටේ දරුවන්ගෙන් තුනෙන් එකක් තීව්‍ර මන්දපෝෂණ ලක්ෂණ පෙන්වන බව මේ වාර්තාවේ සඳහන් කෙරෙනවා. ඊට එක හේතුවක් තමයි ආහාර සුරක්ෂිතතාව නොමැතිකම. ඒ කියන්නෙ පෝෂණීය ආහාර ලබා ගැනීමට නොහැකි වීමයි.

අනාගතයේ ඉතිරි වෙන්නේ පාණ්ඩුව තියෙන ජාතියක්. වතුකරය ගැනත් විශේෂයෙන් මේ වාර්තාවේ සඳහන් වෙනවා. ජනාධිපතිවරණයට ඉදිරිපත් වන සියලු අපේක්ෂකයන් දරුවන් සම්බන්ධයෙන් තමන්ගේ ප්‍රතිපත්තිය කියන්න.

අප මේ වාර්තාවේ කෙටි, මධ්‍යම හා දිගු කාලීන යෝජනා ඉදිරිපත් කර තිබෙනවා. මන්දපෝෂණ ලක්ෂණ පෙන්වන තුනෙන් එකක් වන දරුවන් බේරා ගැනීමට අවශ්‍ය වාර්තාවක් සකස් කිරීමට අවස්ථාව ලබාදුන් කථානායකතුමාටත් ස්තුතිවන්ත වෙනවා.


Top Stories
wedivistara

වෙසක් උත්සවය වෙනුවෙන් සුරාසල් දින 03 ක් වැසෙයි

wedivistara

නීතිඥ කාමරයේ තිබූ ලැප්ටොප් එක උස්සලා

wedivistara

FitsAir ගුවන් සමාගම, ව්‍යාපාරික පන්තිය හඳුන්වා දෙයි

wedivistara

Hayleys Solar Powers වෙළෙඳපොළට හඳුන්වා දෙයි

wedivistara

තොරතුරු තාක්ෂණය ආර්ථිකයේ ප්‍රමුඛ අපේක්ෂාවක්

wedivistara

කෝටි දෙකක මංකොල්ලයක් සම්බන්ධයෙන් සැකකරුවෙක් අත්අඩංගුවට

Trending
wedivistara

බහුතරය නැති සභාවල සභාපති / නගරාධිපති පත්වන ආකාරය ගැන මැතිවරණ කොමසාරිස්ගෙන් පැහැදිලි කිරීමක්

wedivistara

නවක වදය ගැන දැනුම්දීමට සෑම විශ්ව විද්‍යාලයකටම නිලධාරියෙකු බැගින් යෙදවීමට තීරණයක්

wedivistara

ජුනි මාසයේදී විදුලි බිල සුළු ප්‍රමාණයකින් වැඩි වේවි - ජනපති

wedivistara

සජබ ප්‍රධානත්වයෙන් කොළඹ බලය පිහිටුවීමට සෑම කණ්ඩායමක් සමගම සාකච්ඡා කරනවා - මුජිබර් රහුමාන්

wedivistara

පළාත් පාලන ඡන්දයේ නිහඬ කාලසීමාව ඇරඹෙයි

wedivistara

අත්අඩංගුවට ගත් ලොකු පැටී බෙලරුස් සිට මෙරටට ගෙන එයි


NEWS ALERT