අද ජාතික ජන බලවේගය සැදී පැහැදී ඉන්නේ ලංකාවේ විශාලතම දේශපාලන පිම්ම පනින්න - අනුර
Sunday, 05 May 2024 - 7:58 am
ඇතැමුන් වීජ ගණිතමයව 3% ක් එකවර 51% ක් වන්නේ කෙසේදැයි ප්‍රශ්න කර සිටින නමුත්, දේශපාලනය යනු වීජ ගණිතය නොව සමාජ විද්‍යාවක් බව ජාතික ජන බලවේගයේ නායක අනුර කුමාර දිසානායක පවසනවා.
දේශපාලනය යනු වීජ ගණිතය නම් ලක්ෂ 69ක් ඡන්ද ලබාගත් ගෝඨාභය රාජපක්ෂ තවමත් ජනාධිපති විය යුතු නමුත් ඔහු අද ගෙදර බවද, පාර්ලිමේන්තුවෙන් තුනෙන් දෙකක බලයක් ලබා සිටි මහින්ද රාජපක්ෂ තවමත් අගමැති විය යුතු නමුත් ඔහු අද සාමාන්‍ය පාර්ලිමේන්තු මන්ත්‍රීවරයෙකු බවද ඔහු පෙන්වා දෙනවා.
දේශපාලනය වෙනස් වන්නේ අනුක්‍රමික පිළිවෙළට නොව, පිමි ලෙස බවද, දේශපාලනයේ එක්තරා මුහුපුරා ගිය අවස්ථාවක් පැමිණි පසු දේශපාලනය පිම්මක් පනින බවද ඔහු වැඩිදුරටත් පෙන්වා දෙනවා.
අද වන විට ජාතික ජන බලවේගය සැදී පැහැදී සිටින්නේ ලංකාවේ විශාලතම දේශපාලන පිම්ම පනින්නට සහ ඒ හරහා බලය ලබාගැනීමට බවද, සෑම සමීක්ෂණයකින්ම මේ වන විට ජාතික ජන බලවේගය ඉහළින් සිටින බව පෙන්නුම් කරන බවද ඔහු අවධාරණය කරනවා.
.webp)
