Local

පොල් පොහොර සහනාධාරය මාර්තු අවසානයේ සිට ලබාදීමට පියවර

Monday, 24 March 2025 - 3:02 pm

මාර්තු මස අවසානයේ සිට පොල් වතු හිමියන්ට පොහොර සහනාධාරය ලබා දීමට කටයුතු කරන බව වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න පවසනවා.

ඒ අනුව, අක්කර පහට අඩු පොල් වතු සඳහා එම පොහොර සහනාධාරය ලබාදීමට සැලසුම් කර ඇති බවයි අමාත්‍යවරයා සඳහන් කළේ.

මෙම පොහොර සහනාධාරය ලබාදීම සඳහා රුපියල් මිලියන 5,600ක් යොදවා ඇති බවත්, පොහොර මෙට්‍රික් ටොන් 56,700ක් රජය සතුව පවතින බවයි අමාත්‍යවරයා වැඩිදුරටත් ප්‍රකාශ කර සිටියේ.