වතු අධිකාරින්ගේ නිවාස ගිනි තබන්නැයි SBගෙන් ඇමතුමක්..
Monday, 09 September 2024 - 6:10 pm
නුවරඑලිය දිස්ත්‍රික් පා.ම එස්.බි දිසානායක මහතා විසින් පසුගියදා නුවරඑලිය ප්‍රදේශයේ පැවති සාකච්ඡාවකදි දුරකථනයෙන් බදුල්ල දිස්ත්‍රික් පා.ම වඩිවේල් සුරේෂ් මහතාට දුරකථන ඇමතුමක් ලබා දි වතු කම්කරුවන්ට වැඩිකල වැටුප නොගෙවන්නේ නම් වතු පාලන අධිකාරියේ නිවාස ගිනි තබන ලෙසට කල ප්‍රකාශය මැතිවරණ කටයුතු වලට බාධාවක් වන බව පවසමින් කොළඹ කොටස් වෙලදපොලේ ප්‍රධාන නියාමන නිලධාරි රේණුක විජේවර්ධන මහතා විසින් ලිපියක් යොමු කර ඇත.
එම ලිපිය මගින් වැඩිදුරටත් පෙන්වා දෙන්නේ එම තර්ජනය හමුවේ දේශිය අරමුදල් කලමණාකරුවන් සහ විදේශිය ආයෝජිකයින් දැඩි අවධානමකට ලක් වි සිටින බවයි.
දේශපාලන මැරයන් තම ඉඩම් වලට ගිනි තැබිමට පටන් ගතහොත් තේ, රබර් අපනයන කරුවන්ගේ විදේශ විනිමය නැති විමට ඉඩ ඇති බවයි එම ලිපියේ වැඩිදුරටත් සටහන් කර ඇත්තේ.
– හැටන් රංජිත් රාජපක්ෂ
