Local

මිහින්තලේ ආරක්ෂාව ඉවත් කර නැහැ - ආරක්ෂක රාජ්‍ය ඇමති

Monday, 11 December 2023 - 1:51 pm

මිහින්තලය පුදබිමේ ආරක්ෂාව ඉවත් කර නොමැති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් පවසනවා.

ඒ අනුව අද (11) පාර්ලිමේන්තුවේදී අදහස් දක්වමින් රාජ්‍ය අමාත්‍යවරයා සඳහන් කළේ, මිහින්තලා පුදබිමේ ආරක්ෂාව භාරව සිටින්නේ ශ්‍රී ලංකා පොලිසිය බවත්, පොලිස් නිලධරයන් තිස්දෙනෙකු පමණ එහි ආරක්ෂාව භාරව කටයුතු කරන බවයි.

මිහින්තලා පුදබිමට හමුදාව යොදවා සිටියේ ආරක්ෂාව සඳහා නොව වෙනත් සංවර්ධන වැඩ කටයුතු සඳහා බවත්, මිහින්තලයට ආරක්ෂාව පිළිබඳ අවශ්‍යතාවයක් වුවහොත් ඒ සඳහා හමුදාව යෙදවීමට හැකියාව ඇති බවයි ඔහු වැඩිදුරටත් සඳහන් කළේ.