Local

ආණ්ඩුක්‍රම ව්‍යවස්ථාවෙන් බුදුදහමට හිමි වී ඇති ප්‍රමුඛතාව කිසිලෙසකින් වෙනස් කරන්නේ නැහැ - අනුර

Saturday, 24 August 2024 - 1:59 pm

ආණ්ඩුක්‍රම ව්‍යවස්ථාවෙන් බුදුදහමට හිමි වී ඇති ප්‍රමුඛතාව කිසිලෙසකින් වෙනස් නොකරන බව ජාතික ජන බලවේගයේ ජනාධිපති අපේක්ෂක අනුර කුමාර දිසානායක පවසනවා.

සමාජයේ මුල් පවුරු නිර්මාණය වී තිබෙන්නේ බුදුදහම පදනම් වී බවත් ජාතික ජන බලවේගය අක්මුල් නොමැති ජාතියක් ගොඩනැගීමේ දේශපාලන ව්‍යාපාරයක් නොවන බවයි අද (23) 'සඟරුවනේ මහ පෙළහර' මහ සඟ සමුළුවට සහභාගි වෙමින් ඔහු සඳහන් කළේ.

ආණ්ඩුවක් නිර්මාණය කළ යුත්තේ අනෙකාට එරෙහිව නොවන බවද, සියලු දෙනා එකතු කරගත් සමඟි සම්පන්න ආණ්ඩුවක් නිර්මාණය කළ යුතු බවද ඔහු ප්‍රකාශ කළා.

රටටත් ජාතියටත් යළි නිදහස ළඟා කර ගැනීමේ ජාතික සැලැස්මක් ජාතික ජන බලවේගය විසින් නිර්මාණය කරන බවයි ඔහු වැඩිදුරටත් සඳහන් කළේ.