හෙට (08) සහ අනිද්දා (09) වෘත්තීය සමිති 200ක් වැඩ වර්ජනයේ: රුපියල් 25,000ක දීමනාවක් ඉල්ලයි.
Sunday, 07 July 2024 - 9:55 pm
හෙට (08) සහ අනිද්දා (09) අසනීප නිවාඩු වාර්තා කිරීමේ වෘත්තීය ක්රියාමාර්ගයකට අවතීරණ වීමට රාජ්ය හා පළාත් රාජ්ය සේවා වෘත්තීය සමිති එකතුව තීරණය කර තිබෙනවා.
ඒ, රාජ්ය සේවයේ විධායක සේවයේ නිලධාරීන්ට ලබාදුන් රුපියල් 25,000ක දීමනාව තමන්ටත් ලබා දෙන ලෙසට ඉල්ලමින්.
අදාළ වැඩ වර්ජනයට වෘත්තීය සමිති 200කට වැඩි ප්රමාණයක් එක් වන බව සඳහන්.
ජීවන වියදම ඉහළයාම, බදු බර වැඩිවීම මත ඇති වූ ආර්ථික පීඩනය සමනය කර ගැනීම සඳහා ආණ්ඩුව රාජ්ය සේවයේ විධායක නිලධාරින්ට පමණක් සීමා කරමින් රුපියල් 25,000ක දීමනාවක් ලබා දීමටයි කටයුතු කළේ.
ඒ අනුව එම දීමනාව ජූලි මාසයේ සිට ඔවුන්ගේ වැටුපට එක්වනු ඇති.
මෙමඟින් ආණ්ඩුව විසින් රාජ්ය, අර්ධ රාජ්ය හා පළාත් රාජ්ය සේවා සහ විශ්රාමික යන සියලු අංශ නොසලකා ආණ්ඩුව ක්රියා කර ඇති බවයි, වැඩ වර්ජනයේ නිරත වීමට සැලැසුම් කර ඇති වෘත්තීය සමිති පෙන්වා දෙන්නේ.
විධායක සේවයේ ශ්රේණීන් සඳහා රුපියල් 25,000 දක්වා දීමනාව වැඩි කර ලබා දීමට ආණ්ඩුව පදනම් කරගත් කරුණුම පදනම් කරගෙන සෙසු සේවකයින්ටත් ඒ සාධාරණය ඉටු කරන ලෙසට ද ඔවුන් ඉල්ලීමක් කරනවා.
