International

මෝටර් රථ 3000ක් සමඟ නෞකාවක් ගිනි ගනියි

Friday, 06 June 2025 - 10:13 pm

ඇලස්කාවේ ඇලූටියන් දූපත් දාමයට ඔබ්බෙන් වූ මුහුදේ දී වාහන රැගෙන යමින් තිබූ නෞකාවක් ගිනි ගැනීමට ලක්වී තිබෙනවා.

එම නෞකාව මඟින් විදුලි මෝටර් රථ 800ක් ඇතුළු වාහන 3,000ක් මෙක්සිකෝව වෙත රැගෙන යමින් සිට ඇති බවයි විදෙස් මාධ්‍ය වාර්තා සඳහන් කළේ.

නෞකාවේ කාර්ය මණ්ඩලය විසින් එහි ඇති ගිනි නිවීමේ පද්ධතිය යොදා ගනිමින් ගින්න නිවීම සඳහා උත්සාහ කළ ද, එය සාර්ථක වී නොමැති අතර, ඒ හේතුවෙන් නෞකාවේ කාර්ය මණ්ඩලයේ 22 දෙදෙනෙකු නෞකාව අතහැර ජීවිත ආරක්ෂක බෝට්ටු මගින් ඉන් ඉවත් වී තිබෙනවා.

එම කාර්ය මණ්ඩල සාමාජිකයින්ව උතුරු පැසිෆික් සාගරයේ ගමන් ගත් වෙළඳ නෞකාවක් විසින් බේරාගෙන ඇති බවයි විදෙස් මාධ්‍ය වාර්තා වැඩිදුරටත් සඳහන් කළේ.