Local

තලවකැලෙන් අතුරුදහන් වු පාසල් සිසුවියන් තිදෙනා සහ සිසුවා ගාල්ල ප්‍රදේශයෙන් හමුවෙයි

Monday, 05 August 2024 - 2:38 pm

තලවකැලේ පොලිස් වසමට අයත් ග්‍රේට්වෙස්ටර්න් වතුයායේ ලුසා කොටසේ ඉකුත් මස (14) දින සිට අතුරුදහන්ව සිටි පාසල් සිසුවියන් තිදෙනා සහ සිසුවා ගාල්ල මිටියාගොඩ ප්‍රදේශයේ නවාතැන්පොලක සිටියදි ඊයේ (04) දින පොලිස් භාරයට ගත් බව තලවකැලේ පොලිසියේ ස්ථානාධිපති ප්‍රධාන පොලිස් පරික්ෂක සමන්ත පෙරේරා මහතා පවසයි.

මෙම සිසුවියන් තිදෙනා සහ සිසුවා ගාල්ල මිටියාගොඩ ප්‍රදේශයේ කුරුදු සකස් කරන කර්මාන්ත ශාලාවක රැකියාවකට ගොස් ඇති බවට එහිදී අනාවරණය වී තිබෙයි.

එම සිසු සිසුවියන් අවු 14 සහ 16 වයස් කාණ්ඩ පසුවන ළමුන් නිසා ඔවුන්ව කර්මාන්ත ශාලාවේ පාලන අධිකාරිය විසින් රැකියාවකට බදවාගෙන නොමැත.

අතුරුදහන්ව සිටි එම සිසුවියන් තිදෙනා සහ සිසුවාගේ එක් ඥාතියෙකු එම කුරුදු කර්මාන්ත ශාලාවේ සේවයේ නිරතව සිට ඇති බවත්, ඒ අනුව එම සිසුවියන් තිදෙනා සහ සිසුවා ග්‍රේට් වෙස්ටර්න් දුම්රිය ස්ථානයෙන් දුම්රියට නැග බණ්ඩාරවෙල දක්වා ගොස් බණ්ඩාරවෙල ප්‍රදේශයේ පදිංචි ඥාතියෙකු මාර්ගයෙන් එම සිසුවියන් තිදෙනා සහ සිසුවා ගාල්ල මිටියාගොඩ ප්‍රදේශයේ කුරුදු කර්මාන්ත ශාලාවක රැකියාවට ගොස් ඇති බවට කරන මුලික පරික්ෂණ වලදි අනාවරණය වි ඇති බවයි පොලිස් ස්ථානාධිපතිවරයා කියා සිටියේ.

රැකියාව නොලැබුණු නිසා එම සිසුන් පිරිස එම කර්මාන්ත ශාලාවට අයත් නේවාසිකාගාරයක මාසයකට ආසන්න කාලයක් රැදි සිට ඇත.

එම සිසුවියන් තිදෙනා සහ සිසුවා සන්තකයේ තිබු දුරකථන අංකයක් ඔස්සේ විමර්ෂණයක් සිදු කර සිසුවියන් සහ සිසුවා සැගව සිටින ස්ථානය හදුනාගෙන තලවකැලේ පොලිසියේ නිලධාරින් පිරිසක් ගාල්ල ප්‍රදේශයට ගොස් සිසුවියන් තිදෙනා සහ සිසුවා සොයාගත් බවත්, එම සිසුන් සිව්දෙනා නුවරඑලිය මහෙස්ත්‍රාත් අධිකරණය වෙත ඉදිරිපත් කර නුවරඑලිය දිස්ත්‍රික් මහ රෝහලේ අධිකරණ වෛද්‍යවරයා වෙත යොමු කරන බවද තලවකැලේ පොලිසිය පැවසිය.

මෙම සිසුවියන් තිදෙනා සහ සිසුවා නිවසේ පවතින ආර්ථික අපහසුතා හේතුවෙන් රැකියාවක් සොයාගෙන නිවසින් පැන ගොස් ඇති බව එම වතුයායේ පදිංචිකරුවන්ද පැවසිය.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT