මෙක්සිකෝවේ 115,000ක් පිළිබඳ තොරතුරු නැහැ
Sunday, 01 September 2024 - 12:04 pm
ඊයේ ට යෙදී තිබුණු 'බලහත්කාරයෙන් අතුරුදන් කිරීම්වලට ලක්වූවන්ගේ ජාත්‍යන්තර දිනය'ට සමගාමීව මෙක්සිකෝවේ පැවති විරෝධතාවක් පිළිබඳව විදෙස් මාධ්‍ය වාර්තා කරයි.
මෙක්සිකෝ සිටි අගනුවරදී එම විරෝධතාවය පැවැත්වුණේ මෙක්සිකෝවේ බලහත්කාරයෙන් අතුරුදන් කිරීම්වලට ලක්වූවන්ගේ ඥාතීන්ගේ ප්‍රධානත්වයෙනි.
අතුරුදන්ව සිටින සිය ඥාතීන් පිළිබඳ තොරතුරු අනාවරණය කර ගැනීමට කටයුතු කරන ලෙසට බලකරමින් ඔවුන් මෙලෙස විරෝධතාවේ නිරත වූ බව විදෙස් මාධ්‍ය වාර්තා කරයි.
අතුරුදන් වූවන්ගේ සේයා රූ සහිත පොස්ටර් ප්‍රදර්ශනය කිරීමටත් ඔවුන් පියවර ගෙන තිබුණි.
මේ වනවිට මෙක්සිකෝවේ එක් ලක්ෂ පහළොස් දහසක පිරිසක් බලහත්කාරයෙනු අතුරුදන් කිරීම්වලට ලක්ව ඇති බව මෙක්සිකෝවේ නිල දත්ත වාර්තාවල දැක්වෙයි.
ඉන් වැඩිම අතුරුදන්වීම් සංඛ්‍යාවක් වාර්තා වී ඇත්තේ මත්ද්‍රව්‍ය ජාවාරම් ව්‍යාප්තිය ඇරඹි 2006 වසරේ සිට බව සඳහන්ය.
.webp)
